| |
KER MOI OFWENYO JOMECHO
Jandiko;
Mig. Tiyo Matibe,
MOI OFWENYO
JOMECHO
Ne en chenro ma iye odich kendo ma oundi ka achudhe kata jomecho
maluongore kaka osiepe 'KANU' oundo manimba kaka gidwaro nyodho muandu mag
jo ohala kata mag jogo mose yudo yuto e yore mag mahati e kinde mane
Jirongo otimo kachieng'. Yawuot Kenya gin, gin yawuowi ma ose bedo ka
ong'iyo kod pesa mag ayuya e kinde mane KANU chwado pesa chapa. Kata
kamano, e kinde ni, Jaduong' Ker Moi nyicha ose loko pache kaluwore gi
lalruok manyien e kinde kod Raila Odinga ni timbe mag marii kod chiemb
ayaka ka mar muofu orumo.
Mano ema ne omiyo okwero mapiyo ka oneno ka nyinge owuok ei gaset mar
'Standard, 28th Angwen, 2002' ni KANU osepuodho budho magamoro madhi
timore ei hotel maduong' ma bende ne oger kod pesa mokwal kuom jopiny,
Hotel Grand Regency. Ker Moi ne oloso gi teko kendo onyiso jogo ma ochung'
korka keyo kod fuambo ei hekalu mare ma Nairobi ni, jogo ma ochano budho
ma kamano gin, 'con men' ma dho ngere dendo ni jomecho gi mibadhi.
Gima omako dho ogendini mag Kenya en ni kare joma kata lich ma sude kod
tai oruanyo ngu'utegi, kare e joma richo ma loyo jogo ma ji neon ni orem.
Jawuot Kenya mane odend nying gi ka ne oting'o yawuoyi machalo Sam Okello
ma wachore ni bende dwaro kom Muhoroni, Bartonjo Chesaina, Kassim Owango
ma kinde moro ne oriemb e Chamber of Commerce, Michael Kipturgen, kod
Edwin Yinda. Jogi ne ose chiko dho kirowo kendo kane ok Ker otimo mapiyo,
sani dikoro pod gikwano mana midila nikech ne odhi chopo thagalany. Dwaro
piny obed kod jogo ma nyalo paro ngima mar jopiny e kinde ma biro. Muandu
ka odwar gi teko ahinya to bende nyalo kata kelo tho.
Tiyo Matibe
Rochester, USA
OUMA MUGA JA-RANGWE
Jandiko;
Mig. Robert Jackoyo,
Akelo
Nyar Kager,
Ahero
medo duonda e wach moro mayande ne asomo e otas mar gaset ka Jaduong' mar
Jo Rangwe Ouma wuo'Muga ywak ni odwa ng'eyo tiend pach jo-Luo maber.An to
ang'eyo ni Bw.Ouma ema ne olal dabal,ne oparo ni en jatelo to ne onego
obed jatich oganda mane oyiere.
Tich
nokia maka ng'ato odhi ire to oneno mana fup ng'atno kod rem somo,ok odwa
neno chakruok mar wachno,kata chakruok "fup" jalo kata kelo rem
sombe.En ne oneno ng'eyone ma ne oganda mamoko to en ema ne ofuwo kendo
koro oneno.To kapok oneno,ni osomo kit Luo to pod ok en onyal,piny dhi
matek,yamo oloko jomaringo ema yudo gima ninyime joma chalo wuo'Muga gini
to koro chalo kado mose olie pii aoooola ma ndhathe orumo olokore "mathawa".
Omiyo
ywak Muga to bedo mana histori ne jotelo masani kik gin be gibed ma wabiro
pimo gi kod Otoyi ja H/B kata Obunge wuod Lela,Nyang'oro wuod jo
Magunga,Odongo Kitonge wuod jo Sori,Ondego ja Nyatike,Saya Ogilo ja
Migori,Ochich Dibondo ja Koyugi,Kula Waya ja Rongo kod joma kamago.
RIWRUOK MAR KANU GI
NDP
Jandiko;
Mig. Kisukwa T.J.
Wuon
Abila,
Erokamano
ahinya kuom tich maber ma utimo mar miyo nyikwa ramogi kar go mbaka.
Adwaro
chiwo paro mara e wach riwruok mar KANU gi NDP. An de akwayo nyikwa
Ramogi ni wawuoth uru ka watang nikech jaduong Moi en ngat ma tiyo gi ji
kaeto obolo mana ka oboke moyweruok godo. Donge
uneno gima otimone Saitoti gi Kamotho? Ango mamiyo waparo ni ok onyal timo
ne agwambo kamano be? Koro daher mana ma nyiso agwambo ni mondo owuoth ka
otang wanto wan bang'e
.
Erokamano
ahinya
Kisukwa
T.J.
©2002, JALUO dot KOM
|
|