Oo! Nyocha ni wang'ni oweyo chuth, nyoro to ni ok onyal weyo telo ka dongruok mar piny chal kamani. Koro kuma jatelo ochung'ie bende omako mana dho ji.

Moi nyoro owacho ni en kod paro mar weyo telo mana ka ose loso piny mobedo maonge gi thagruok mangeny ma Kenya nitieye godo sani. To koro to dihum mana nono nikech gik mowuoyegi to gin ema giketho ji ariyo gi Kenyatta. To nimar Kenyatta ne okawo loch 1963. To Kenyatta onyunje telo ma tho ema ogole 1978. Mano nuang'o ka Moi en jalupne. To Moi okawe 1978 nyaka chil kawuono. Koro ka Kenya ne otamo Kenyatta loso nyaka tho ogolee, to Moi ose tame loso higni 21 bang' tho Kenyatta, ma bende omedo kethe ma mar Kenyatta cha ne ber berie, ok onyal nenoe ni wiye onego kuodi ka owuok kod wach bilani.  Jaduong'ni wachne lewo chunyji.