| mos051101 |
JALUO dot KOM |
Od Wadu |
| 05.11.01 |
WATIMO MOSNE NYIKWA RAMOGI DUTO |
|
| E duond Jaluo dot Kom kod jodong
Abila duto daher mar timo mosne Nyikwa Ramogi e piny ma ngima kuom lewo
kapok wa kelonu weche manyien, kuom mano ageno ni un duto ma usomo kodwa
ubiro medo dhi nyime kaka pile, nyocha yamo moro omuko dir Abila ma owito
thoth migepe ma nyocha wasechano e od lendo! Omiyo kik une marach ni weche
moko olal. Pod wabiro medou weche kaka pile.
E dwe mokadho wuon Abila nyocha owendo jo-Kisumo kendo opuoyo rwak mane oyudo gweng Mig. Aluoch Olago, KLUB OASIS e boma ma Kisumo. Kanyo nyocha orwake gi nduma malit ka kudho. D.O.Misiani gi lange nyocha omuocho nduma nyaka chieng orieny. Kendo noromo gi Jodong Abila mar KBC Kisumo; oduoko erokamano maduong ne Mig. Akumu kod Evans Odhiambo kuom twak mane gi bedo godo. Nyocha oyudo ni nyasi ma Kisumo oselosi kendo ji oikore mar budho kanyakla, dala mar tiegruok maduong ma Makerere ei piny jo-rabolo (Uganda) bende oseyiedhore mar puonjo kit Luo e rang'iny ma malo. Mago kod ma moko ma nyocha wuon Abila ofwambo e gwenge mopogore ubiro yudo e kor yamo mapiyo kaka nyalore. Mago kod weche siasa ma sani ochwo chieng e piny Kenya wamedo goyonu erokamano kuom kinda kod sinani mar somo kodwa ndalo duto. Nyakalaga mondo ogwedhu ndalo duto! Ajos Wuod Atiga, |