JALUO dot KOM

( LUO DIASPORA)

Jagoro Ajos wuod Atiga,

Kaka nyocha mikayi moluor Akelo Nyar Kager oseleronu e odundu mar jaluo dot kom kuom wach mar riwruok joluo e piny mangima, waseyudo puoch kod pak mowuok e tunge piny koni gi kocha; mokwongo Mig. Dan Obunga oseoronwa nyaka tipone nimondo wakete kaka achiel kuom jokanyoono mar riwruok.

Pod wamedo kwayou mondo uornwa nyingu gi nondu kaka idwaro mondo obedi e odundu mar jaluo dot kom, kod nying' burani bende pok oyangore malong'o, omiyo unyalo medo oro pachu kuom nying' mowinjore miye. An owuon kaka wuon abila aneno ni mondo oluongeni: "GALAMORO" gi dholuo malong'o tiendeni gima oriwo oganda, kata buch oganda ma inyalo wachie weche kata yalo buche moko matek. Omiyo riwruokni biro dwaro mondo oyier jood bura ma rito abila kod jolupgi mago to jopiny ema biro ng'ado kendgi.

Kuom mago daher ketonu nond wuod Luo mane okwongo yangore kaka achiel kuom kanyakla mar burani:(pichane nitie mwalo kanyo)

Mig. Dan Ochieng' Obunga <danobunga@yahoo.com>

Ayie bedo Jakanyo mar riwruok Luo

 Mar Akelo Nyar Kager
Amor kod paro mane ukelo mar riwruok mar Joluo, Ayie
bedo achiel mar jokanyo (member) kaka wuod Luo ma
bende odak e piny luo an bende keta uru e list maru no
nyinga duto en
Mig. DANIEL OCHIENG OBUNGA
An wuod Nyakach Koguta to Adak kisumu boma ero Uru kamano kuom kelo paro.

Medwa paro kuom wachno, ornwa oboke e nonroni: Wuon Abila, Jaluo dot Kom

Kata; Akelo Nyar Kager, Jaluo dot Kom