Jandiko; Mig. Ph. Ongili

Thuon wach,

OBILA OBAMBO NYATHI SIKUL MAJA HIGNI APAR GARIYO KAR ANGICH WELO KAMIN OORO NGIEWO CHUMBI EDUKA EDALA MAR UPPER NYAKACH OGORO CHIEFS CAMP BUT BODI
PRIMARY SIKUL.

Wuod Atiga wachni pek kakama iroye punda, obilagi,gin obila mane oter mondo orit kambi ruoth ma Ogoro Chiefs Camp but sikul Bodi Primar mar Nyakach Mamalo (Upper Nyakach). Obilagi noyudo wuotho kar wangchieng angich welo, kaka ingeyo obila oero wuoth heluhelu makata kama odhiye malongo okia 0chalo ngamo tho thopi, negi neno nyathini kawuotho dhi eduka kaeto gichako luwo bang nyathini, kaguok maluwo ndach apuoyo, nyathini kane oneno kajomoko luwe jok maok ongeyo to piny bende koro dhi otieno, nobuok mogolo aputh njiri, koka ne-en nyathi manyako mawuongi opidho maber ne-en kod del madongo madiwuor ni dhako.

Obilagi kanoneno mano ni nyathini yombogi, gin bende negigolo aputh njiri,ne chalo kod ngwech manie kind mbura gi guok mochare, koka gi jok mane otieg engwech,kadiemo wang to omako nyathini kaeto onyiso nyathini ni in elwet sir kal omaki, nyathini bende noling nikech sirikal ok kedgo, apoya nono to inyiso nyathini ni donj kaendi,piny-be koro noselil, to kama odonjeni to ingeni kanye? odonje bungu, kaeto ochie nyathini mondo olonyre, nikech nyakoni neonge duol, nolonyore mayom maber, mit Obilani donjore kuome kod kech duto mosechame nonyono nyathini miwe mana ni kama simba onyuole, nobaro nyathini marach manyathi wuoth otamo, kaeto bendo wange tek owe nyathini mondo odhi odgi koro nikech duache osetieko dende koro oboch kanyuka nyathi, matiende ni bath bungu mane opedhe chande eka chief Mogoro ma Upper nyakach.

Kane min nyathino kinyne odhi ir nyatend obila makanyo, nyathini kadiemo wang ne oneno Obila chande monyiso min-gi ni mama macha eobila mane obamba nyoro otieno,to ma-ingeyo ninegise a osuptal mothiedh nyathini, kane miyono onyiso nyatend obilani, to ne okawo wachni mayomyom nikech manenore nikitgi, mamani nodhi nyaka ir DO makanyo DO no bende nokawe mayom yom, bange nodhi nyaka Ahero emane ogoye ripot kendo, Okwach kich makuno (CID) nowuok kode bang lero malongo kaka nyare nobambi to osego ripot to iwuonde, negidhi mane obilago ogwan duto nyaka jatendgi tee.

Kuom mano en gimarach ahinya ka Obila mawa miyo luor mondo oritwa ema chako lokore kodwa, ochalo paka molokore chamo gwendgi to kara koro ngama nyalo keto kwe egwenge kobila ose lokore maundu, to piny to ayaki opongo. Kuom mano watang mar oro nyithindewa eduka godhiambo nikech obila obira marach, kech odonje par obila. Weche ngeny to awe mana gikanyo wuod atiga pod abiro miyi weche. Nepod alal nadhi safar yo Europe eka naduogo.

Mijopiny wachni mondo otang kuom nyindgi. Amedo kwayo ni jaduong Abong wuod Kano koyie to mondo oket chik ne obila mondo gibed kod mondegi machiegni nikech miluma okia ngama odhier, kaoneno kanyathi obet angewa to chunye chame ma wange lil thi. Dua mondo watang ahinya oriti Ajos . Mi jopiny wach.

An wuod Ochuonyo Mig.Phillip O.Ongili

PESA MANE OSOLNE PARTY

Wuon Abila awinjo twak ma yawa ogolo to ahiinya mar Mig.K'Opuora kowacho ni Agwambo osetimo mang'eny ma gik makamano kik ji openji eeeh wayie to owachnwa ni gik machalo ang'o e piny Luo nikech pesa ne ochoki ne wach mollases to ere go? Agwambo bende yande owacho ni ne ok en kata e committee mar gino kare ne ng'a gini? Osiepwa K'Opuora ng'e ni bedo minista kende ok en dongruok. Joluo adi mose bedo minista Otieno-Anyango, Ndolo-Ayaa, Omamo Kaliech, Oloo Nyadundo, Ray Ndong', WuonAmayo,Tom Mboya, Ouko Ja-Nyahera listi ni booor, koro mago kende gin dongruok?

Wan nyikwa Ramogi wachiedh uru moos,ma kata ka wachuanyore to ok wagore piny matek.

Mijungu Nyar Kachuodho Ja-Karungu gi Runge.

E-mail : mjackoyo@hotmail.com

YAYE JO-MAASAI

Jandiko; Mig. Ouma Obado,

Wuon Abila,
              An ma e ndikona mokuongo ne nyikua Abila duto kamoro amora ma un tiere ei piny mangima. Amosou udutotetete. Nyakalaga oritu pile ka pile kendo un bende utem atema ritruok kendu uwegi. Piny tinde iye teek, itieko mana gi lemo.

            Wuon Abila, an amor kod telo mari kaka irito Abila kod ratiro kendo kaka imedo puonjo wa duto ka ijiwo wa mondo wapar kit wa gi timbe wa. In wuowi ma ja chir, nikech nitie weche
malit to gi mag richo to gi juogi, nek ,kwelo to gi ma ok anyal ndikoduto ka kawuono. To weche gi duto, iduokowa kendo ka iwacho adiera kaka ng'ama otelonwa e ng'eyo dholuo matut.

Wach mar Jo Maasai to omako dhog ji mang'eny.An adak loka America kaa. Asebedo ka higni mangeny, aseneno kendo winjo mabeyo gi maricho. En hawi marach ni wuod Anyango ne omuocho gorofa ariyo go Ji alufu adek olal nono.Kata wuod ja Kikuyu moro bende ne olal kanyo. Jo America ne oikore piyo piyo nono gi pesa mikonyo godo jonyuol modong'. Pinje moko mopogore opogore bende ooro margi. Pesa ne osolore ka mathooth ma kata sani Jotend piny ni pod dhawo e kind gi kend gi nikech pok gi winjore kaka onego pog pesano. Ka wach jo Maasai ne owuok e television, dho ji ne omoko. Ji mangeny ne onyiero kaka jo Kenya pod nichien. Dala maduong' mar New York
onge kama ikwaye dhok. Mar ariyo, dhok jo Maasai jo America luongo mana ni le modak e bungu, ok chal gi dhok ma ginge'yo.

          Jo Maasai, ka pod gidwaro kwayo dhok to ber abera. To weche mag siasa kod lony mar Kenya kod pinje moko mopogore opogore to gi we e lwet jo ma nyalo rito kendo dhialo nying Kenya malo ka mora mora ma gi tiere. Atiek gi ngero moro ne awinjo,"Ja bungu kata iter e city kaka Nyorobi mondo odagie to timbene mag bungu ka ok owe chien" Mago gin Maasai, Onagi jo rabuon to gi atherere moko. Wuon Abila wich kuot ngeny koni kaka joma awacho malo go timore ka gichokore.
       An   Ouma Obado.

               Jakanyaluo, Omboga City.

MEDWA PARO; WuonAbila@jaluo.com