tero110302

Luo kitgi gi timbegi en buk moting’o chike Luo gi kit dakgi mane kwere owenwa mondo obednwa kaka mise mar ngimawa endalo ma biro, kata obedoni moko sani ok wanyal rito sani nikech lokruok e kit (dak) ngima dhano, touché osemedore e piny miyo terruok ok nyal tim e yore mane itime chon, dinde osemedore gi puonj mag kit dak jorachere (kata obedo kamano mano pod ok nyal monowa rito chike mane kwerewa owenwa mondo obed kaka mise mar ngimawa e pinyka); puonj manyien osemiyo joluo oweyo kit dakgi kendo gi luwo kit dak jo-kristo, mano ok rach mak mana ni chikewa makello dongruok ok wanyal weyo, kik wabed misumba jorachere nikech wach din kata pesa.

Injili mar jo-kristo ok rach mak mana ni ok en kit dak ngima jarateng’ gi tiende. Gima ber moloyo ni (wanyalo somo kendo wacho dhok mopogore opogore kaka; wareno, wafaranza, onjiro, warabu k.m.m.) jo-nisen okelo sikunde, osiptende kod masinde ma nyalo miyo tich bed mayot.

PENJO: Mos mokalo ka achiel gi erokamano ni nyikwa Ramogi Ajwan'g. An kod penjo achiel! Bende wuoro nyalo nindo eod wuode kawuode onge to oweyo dhako gi nyithindo eot, nikech kar lawo nindo otamore ei dala mar Nairobi? Ma osetimore nikech jaduon'g dende lit kendo nyaka dhi kajuoga pile to oduogo eot to kar nindo otamore to od wuoyi nitie kendo wuoyi ni Loka nam to oweyo dhako gi nyithindo chien. Miya duoko kuom wachni Nyar Kager. gekota@mailafrica.net

Duoko: Ooyo...! en kwero mondo jaduong’ onind e od wuode kata obedo ni kar nindo otamore ma nade, mano en dhoch ma loko tek kendo nyalo kelo tho e dala. Kendo odno nyaka muki kaen e boma to wuoyino nyaka dar e odno, mak mana ni manyasi to nyaka gimadhi mar loso dala.

Ka wuon pacho otho, chiege (monde) nyaka ter kaluwure gi chik Luo macho. Mokwongo dhako moduong’ kwongo timo kong’o matin; e ma jodongo yaloe tero mon. E kong’o matinno dhako ka dhako huloe dichwo modwaro owuon. To dhako maduong’ e mahulo ni jodongo nying’ dichwo , gi dhako mobiro kawo: ok nyal tiel dhako e dichwo moro, mak mana moyiero owuon. Kendo chwo mabiro tero mon’go oluongi e burano; to ka wach oserumo maber to giolo moke e pi. Kong’ otia ema kiny chwo mologo e udi ma onindo ni kiny chwo nindo e udi.

Okinyi jachwo osuri chwowo osuri kendo mon gawore gi ochogi; bul yuak, sigalagala gore e dala. Kendo chieng’no giolo kong’ mbare e pi mano e kong’ kal ma chwo biro keto; chwo mobiro tero mon. Kuom hawi marach ka dhako moro chwore ok nyal riworego, wach kiny ihulo oko kendo madho kong’o obare, kong’o riyo mak omadhi. To ka wach obedo maber ma poni oyie riwore gi dhakono to kiny imadho kong’ono. Chieng’no gilielo mon; nyamrechegi lielogi. Chieng’no giloko chiende, giweyo kode; koro gitweyo chien obore matar mar togo nikech giweyo kode. Osechodi kode tiende ni chwo oriwore kodgi.

Gima omiyo mano nyaka timre en ni nyaka many ng’at ma nyalo dong’ e lo wuon pacho. Yuore moro ema nyaka tere mak manani mano timore ka jakowiny moro oselage. Tich leko yande itimo gi jo- libamba, ja-mwa kata ng’at ma onge gi joge, misumba, nikech en tich ma nyalo ketho kar ng’ato.

Bang’ mano eka dhako manyo yuore moro ma kite ber ma nyalo dak kode. Nyaka obed ng’at mapok otimo tim moro marach kak; nek, maundu, kata juok.

Bende ochuno ni dhako nyaka ter? Eh..! kata Ooyo...! ndalo machon nochuno ni dhako nyaka ter mondo korka oyawne jodala duto kaka yawuoyi kod jogo duto ma nyocha kwech liel otweyo. E ngima masani to koro weche obiro matek nikech tuoche omedore ma koro omiyo wachni tek ahinya. Mak mana nika ochuno ahinya ni nyaka ter dhako to en herone owuon mondo otim kaka odwaro, kaluwore gi chike Luo Machon. Ka dichwo pok oriwore gi dhako ma chuore otho to nyaka gi dhi e pim (pimo remo) kendo gichak gi rit bang’ dweche adek gi dhi e pim mar ariyo mondo gi bed gi adieri kuom kit ngimagi giwegi. Ethuolono ok onego giriwere maong’e mapira (condom). Ka mano oserumo to ginyalo loso kit dakgi giwegi. Kuom hawi ma rach ka ng’ato oyudore ni nigi tuo moro marach; kaka, ayaki to nyaka wachno kethi gi jodong’o ka giduto oyudore ni gin gi tuo to ginyalo dak kanyakla mak manani nyaka gidhi gine laktar mondo omogi yor dak kod tuo mar ayaki, kendo gi med tiyogi mapira. Nono to masira odonjo e dalano.

Ne Nyikwa Ramogi Duto,

Aoronu mos kuonde duto ma untie. E kinde ma okalo
useneno ka gik moko otimore ei Kenya ma otamo dhowa
loso; pod omonowa loso kata sama andikeni. Kata
kamano, nitie achiel ariyo ma adwa kwayo kuom oganda
Luo duto mantie ei odundu kendo akwayo ni, kwayoni
umed tere ni jowa ma ok ni kodwa ei nyakalondoni.

Bang' mosetimore, wan kod kwayo ni jo Kenya ma
supporters mag NDP - moloyo ni ja Luo moro amora e piny
mangima. Wadhi e lueny mar laro telo. Ogendini dware
gi yoo moro amora; jomoko oyie kata mondo remo ochwer
kaka nyicha useneno; ogendini ogolo dho pesa oko mondo
oti eka loch odonjnegi. Wajoka Ramogi pok waparo
wakwendwa kata ei odundu marwa ni kaka telo ni biro
chopo. Ok abi loso mang'eny jothurwa nikech kwayo ma
aketoni, en kwayo ma owinjo ng'ato ka ng'ato ma
nyakwar Ramogi ne owinjo bedni osebedo ka chande e
dhood chunye - telo ok chop mayot!

Omiyo kwayo mar NDP chalo kama ne oganda mare kod
supporters, ni wayuor lueny ka wagolo gimoro, matin
mogik obed, dollar 10 kuom ng'ato ka ng'ato - maloyo
mano to obed hero mari kotenore gi kaka ihero wach
NDP!
Pesa ni oore direct to NDP. Kiny ana chiw account ma
owinjo oore Nairobi. Jothurwa kony ma kama ema biro
konyo party e yore mag loso kaka idhi e yiero nikech
wan kod ji mang'eny bende ma nyaka wa hire their
services. Magi duto dwaro pesa - to ng'at achiel ok
nyal timo magi ka ok wariwore waduto.

Amedo kwayo jogo man Amerka, Europe kod Africa mondo
olos kuonde magidakie mapiyo kaka nyalo jothurwa mondo
wasol dollar 10 nogo kendo waore juma manyien ma ok
wadeko. Ka in kod penjo moro, to kik idek ka ok ipenja
e namba mapiny ma achiwo go. Ruoth omedo ritou joka
Ramogi!

Otieno Mbare
Tel. +358 2 2154 976 (Office)
+358 40 5341 996 (Mobile)
+358 2 2539 476 (Home)

DAHER MAR KWAYO JO -KASIPUL KABONDO DUTO MONDO ONG`I WUODGI "OTIENO MBARE JARATENG`" MA OSEBEDO "CO-ORDINATOR" MAR N.D.P E PINJE MAG SCANDINAVIA. TELO BIRO E OD ONAGI TO WAN KAKA WEG PINY WAYIER URU JOMA NYALO TENO TIE AMOLO.AN ADOK LUTO OMBULU KENYA NE JI KAKA WUOYI NI.TO JALUO WADWA BENDE I IKORI?