AGAJA
KUYO

BARUPE

WECHE DONGRUOK

MBAKA

NONRO

JEXJALUO ****

NGECHE LUO

GI GWENG'

THUM

TEDO

LUO KITGI GI TIMBEGI

SIGENDNI LUO

THUOND WECHE

;

 
  
 

Oimore ahinya. An kod penjo ariyo, mokuongo to chalo kama: yie inyisa tye sigweya. Mar ariyo to akwayo ni inyisa kaka anyalo gajo sigweya. Akiyo duoko moa kuomi endalo mabiro.
Oriti masani,
An Ogweyo wuod Olore

Dwoko: En kit joluo giyo ka ng’ato maduong’ otho. Tiendeni iwer kata igoyo mahu mondo onyis ji duto ni ng’ano otho.

Ma en ranyisi mar sigweya. Ma sigwech Lawi Raburu, ma ne okawo kuom Simbowo wuon mare, ja Karateng’. Ka ji owinjo sigweche ni to ging’eyo mana ni ng’ato moro maduong’ e gweng’ otho. “Eeeeee yaye Olang’o, Olang’o k’Adero,  Olang’o. Yaye alambo osiko yawa.”

Ranyisi machielo mar Odundo JaKarateng'. "Nyonga wuod Omolo, in kanye! Wuod Olewe, wuod Adoyo, yaye baba, in kanye! Wololooooooo, wuod Amire, wuod Otiende, in kanye!"

Mae yande awinjo kuom rawera moro higa mokalono. "Arungu odong' e dala!"
Kod ma bende, en sigwech Otono. "Adwa giyo to aluor!"

Mogik ni, to alosoni sani,
"Obaki wuod Athiemo, opong' ka muok,
To kech omako dalane. Opong' ka muok.
Ondiek manego Mbai.
Ondiek manego Wayoga.
Obaki maloso nek Raila.
Obaki makuedo chiege.

Obaki wuod Athiemo.
Obaki wuod Athiemo.
Obaki wuod Athiemo."

Miyo, sigweya inyalo loso mari iwuon kaka ihero, kata inyalo kawo sigwech ng'ama ose tho, idhi go nyime.

Odundo jaKarateng'

Ka in gi mari moro ma di wandik ka to orni
Akelo nyar Kager,        kata wuon Abila,                   kata  Awino Rayier
jaluo@jaluo.com     wuonAbila@jaluo.com     awinorayier@hotmail.com
Daher winjo dwondi in bende, iwinjo?

Inyalo oro twak kod weche manyien ne: Mig. Ajos wuod Atiga
  WuonAbila@jaluo.com

GALAMORO : Riwruok mar JOLUO e Piny Ngima, orwaku uduto mondo ubed e kanyakla mar burani. Ornwa nyingi gi nondi kaka obedo. Riwruok e teko joka Nyanam. 

WENDO MIWA PARO

OD PAKRUOK