01/11/2006

WECHE MOKADHO

AGAJA
KUYO

BARUPE

WECHE DONGRUOK

MBAKA

NONRO

JEXJALUO ****

NGECHE LUO

GI GWENG'

THUM

TEDO

LUO KITGI GI TIMBEGI

SIGENDNI LUO

THUOND WECHE


 

;Hit Counter

 
  
 


RIWRUOK E TEKO

Nyikwa Da,
  Ndalo moro atemo ndiko oboke moro ka asayo onagi ni mondo oparie chien.  Ne aneno mudho ahinya ka Nyanza mathurwa oywayo ip mana ka ginyono mana Oria kende e penj mar Std. 8.  Jomoko onyisa ni mano siasa kendo ok nyal yombwa gi oganda duto ma Kenya duto to chon Nyanza e mane loyo oganda duto ma Kenya e penj duto.  Ka pod waparore to weche muomowa.  Wan Onagi, wanane ler ndalo mane?  Nyocha ka an e wuoth adok Nairobi to inyisa ni Stage mar Nyamburko ma Kisumo jo Molo Line ema okawo.  Kare watimore nade.  Isewinjo ni Stage ma Nyeri, Onagi moro ochung'ne!  Ang'o ma monowa rango chien kendo timo analysis ni kwan ochiko kodwa kanye.  Wagombo gerore to jowa moko dwokowa chien.  Onge Onagi moro manyalo rito Sage ma Kisumo adieri?  Ochno ni jotelo nyaka chiw stage ne Atwara eka tich odhi nyime?

  Aya warang kaka wanyalo konyo jowa.  Pod adok mana e weche machowo jomoko.  Ka Nyasaye omiyi nyalo gi yuto maber, Joluo adi ma iseparo konyo mondo ochung' kendgi?  Iparo mana odi gi nyithindi to Joluo hinyore to ni mago ok obadhi?  Kachopo saa manyo ombulu to isieko ni modo oteri od bura.  Mano gima nyaka wapar ahinya.  Nyithindo rem e penj kendo gibiro bedo pek ne Onagi matin madipoka Nyasaye omiyo yuto.  Wapar kaka wanyalo tego sikundewa, wanyalo tego jo-ohala, kaka wanyalo tego joyua rech, kaka wnayalo kelo dongruok mayore yore e gwengewa.  Ng'ato ka ng'ato onego rang thurgi, ni to ang'o ma itimo ne jodala manyalo kelo dongruok ma kanyakla.  Piny Owacho osejawang'owa.  Yawa watemuru rango chien.

  Jo Israel bende ne inyiero gi ogendidni moko to sani teko margi nyisore e lela.
  Asayaou watemuru.  Ka thuolo mar tich kata moro amora oyudore to par Onagi, mondo yot obedie e thuchewa.  Jamwa ok dwari kendo kik ng'ato wuondi ni oheri.  Wan waonge gi ng'ato gi wach to otielwa piny ma ok wanyal yuweyo!!!!!

  Mano kende e sani.
  Oritiuru
  
  Herbert Dola

Joluo.com

Ka in gi mari moro ma di wandik ka to orni
Akelo nyar Kager,        kata wuon Abila,                   kata  Awino Rayier
jaluo@jaluo.com     wuonAbila@jaluo.com     awinorayier@hotmail.com
Daher winjo dwondi in bende, iwinjo?

IDWARO TICH?

Inyalo oro twak kod weche manyien ne: Mig. Ajos wuod Atiga
  WuonAbila@jaluo.com


GALAMORO : Riwruok mar JOLUO e Piny Ngima, orwaku uduto mondo ubed e kanyakla mar burani. Ornwa nyingi gi nondi kaka obedo. Riwruok e teko joka Nyanam. 

WENDO MIWA PARO

OD PAKRUOK

 

                                Copyright © 1999-2006, Jaluo dot com