04/09/2006
GRANTS
WECHE MOKADHO
;
Asebedo e piny Ulaya, sani timore koro higni madhii ariyo gi nus. Jowa
oselalna kendo asebodo gi kuyo ka ok anyal bedo piny gi oganda mondo apim weche pinywa gi dongruok oganda.
Paro osethaga, kendo adoko bal gi chikewa to ni kech ok ayud yamo moa kuom oganda.
To kata kamano amor gi jaluo.com nikech anyalo kowo oboke.
Oswayo kata Dho Ngere to Gimarwa ma waganogo alony go mokalo, mbaka be angeyo kendo bedo gi jodongo majongad bura kata jopimo kaka piny chalo ahero.
Piny Ulaya koni weche ataro anyuola, to mana ni kech dich to kod chike
mopogore.
Asebedo ka a ling to mana gi gima omiyo, Chunya to koro sani gombo mbaka kendo adwaro mondo amed tudora gi yawa to kod ogendini moko ma piny makoni to kod Ulaya kata gi amerka.
Tudayeuru gi yawa ma ohero mbaka dongruok gi ohala to kod konyo jo chan gi kiye kod jo two mar ayaki.
Utimo tim mawendo ahinyo, to penjo achiel ma an go to enmana achiel, be
wanyalo temo matek wasere oganda moko????? Athol, Atwora, Tok kodera, Onjelo jo got, Nam chumbi...waparuru ahinya kuma waaye to gi kuma wachiko.....piny masanai nyaka wamed sero to nikech jaluo jakisera...to mako wi dherwa saa te to jomoko nyiedho wasetimo moromo, ondingwa be wasemiyo ji ahinya.konyauru sero ogendini moko mapinywa kata mapinje maoko...to nikech, osiep maber en mana ma iguonyo to guonyi.
An gi weche to kod sigende gi ngeche to kod fweny ma onengo apimgiyawa to miyauru yitu kendo medeuru twak koda, an nyathi dala maosebedo oko to pod oil gi kit anyuolo kata osebedo ni ok aseriwora kod yawa higni ariyo mokalo.
Yuaknu ni miyauru itu to mbekeuru koda dhok achiel mapiny te winjo sana en omenda to gi ohala, wambeko, wagano kendo an achiel kuom jogano, to jomoko to loko kendo dongre kendo ndikowa.
Tudauru ekamiwo wiya kapok lowo otera, paro ma an godo ok onengo oiki...
Ochieng Makodira Ja'nyamuga
Masirakindaki.
Joluo.com
Ka in gi mari moro ma di wandik ka to orni
Akelo nyar Kager,
kata wuon Abila, kata Awino Rayier
jaluo@jaluo.com
wuonAbila@jaluo.com
awinorayier@hotmail.com
Daher winjo dwondi in bende, iwinjo?
Inyalo oro twak kod weche manyien ne: Mig. Ajos wuod Atiga
WuonAbila@jaluo.com
GALAMORO : Riwruok mar JOLUO e Piny Ngima, orwaku uduto mondo ubed e kanyakla mar burani. Ornwa nyingi gi nondi kaka obedo. Riwruok e teko joka Nyanam.