04/05/2006
GRANTS
WECHE MOKADHO
;
DHIALO NYAKO MATIN KUOM TIMO MABER E PENJ..
Ase bedo ka aneno marach ahinya ni Wan Yawa man oko mar Nyanza kata Kenya Ok ose bedo mayot mondo wamakre kod jolo yawa man dala Kaluo. Nyako matin ni omedo nyiso jo Kenya ni tugo onge kuom obuongo.Ne aneno ka ondiki nien mana kod min mare e boma mar Asego Kanyada kendo min mare goyo mana ohala mar Sukowich ei Asego.
Jothurwa, Paro mar Nyadendi Jane Anyango kod Anne Adhiambo berie moloyo duto. Magi gin medo dongruok kuomwa wan anyuola mar Onagi Jathum moro mane rahuma ahinya (Mose nindo) Migosi George Ramogi ne ogoyo thum moro mamit ahinya ka Owero ni Kanyako Osomo gimaber ahinya Anyango aluori nyar Kendu.Wan joluo duto wayie uru wakony nyithindwa manyiri matiyo matek.Kik wawe nyithindo chandre.Riwruok ma uchakono onengo olok ngima mar nyithindo manyiri duto ei piny joluo.An awuon ase neno wich kuot ahinya kaka yawa mane oyudo tiegruok chon ne ochayo
ahinya Jogo mane odak ka dala.Dho wagunda wachoni( Home is Always the Best or Going back to the Roots)Yawa wach Jane Anyango kod Anne Adhiambo ni to ber.Giduok jopiny gi wach kaka inyal chop irgi gi yo mayot. An awuon ase temo mondo atudra kodgi e kwan mag tol mane gi chiwo go to ayudo mana dwoko ni (Mteja huyu haipatikani kwa sasa) Riwruok en teko kendo hera bede en gima ber. Maeri en hera kendo nyiso nyathi ni otimo maber. Nyidendni ariyogi nikod paro maber mondo Okony nyithindo manyiri ma ohero somo.Nyis uru Jopiny email maru mondo jopiny oyuoru kendo address maru moriere.Kik iwuo maber to kare un (Thuon Aru Piny). Jopiny ose yie konyou. Jok ma Joluo luongoni Aru Piny gin Yawa ma Chuo kata
Manyiri ma ok onge adieri margi maber nikech gi riambo kendo gi wuondore. Duok uru jopiny unyisgi kaka gi nyalo chopo iru mondo Jopiny odhial nyiwa
mariekgi. Ok abi dok chien nyaka walok dak marwa ei Piny Luo mar Kelo dongruok. Jane Anyango kod Anne Adhiambo utimo maber.
Nyasach Omogi Awando Otelnu Duto
Jandikoen
Odhiambo Omolo Jakamagambo(Kodero Bara)
Joluo.com
Ka in gi mari moro ma di wandik ka to orni
Akelo nyar Kager,
kata wuon Abila, kata Awino Rayier
jaluo@jaluo.com
wuonAbila@jaluo.com
awinorayier@hotmail.com
Daher winjo dwondi in bende, iwinjo?
Inyalo oro twak kod weche manyien ne: Mig. Ajos wuod Atiga
WuonAbila@jaluo.com
GALAMORO : Riwruok mar JOLUO e Piny Ngima, orwaku uduto mondo ubed e kanyakla mar burani. Ornwa nyingi gi nondi kaka obedo. Riwruok e teko joka Nyanam.