AGAJA
KUYO

BARUPE

WECHE DONGRUOK

MBAKA

NONRO

JEXJALUO  

NGECHE LUO

GI GWENG'

THUM

TEDO

LUO KITGI GI TIMBEGI

SIGENDNI LUO

THUOND WECHE

;

 
  
 

WUON ABILA
 NGIRE KATA JAPUONJ ANYANG NYONGO TO OROMO CHUTH.
 Ngire kata Japuonj Anyang Nyongo to wuoyi chutho.Owacho weche mongith kendo ineno kaen kod chuny mar Konyo.Jopiny yawuoyi mathuondi machalo kod ANYANG NYONGO EMA JOPINY DWARO. KUOM TICH MATEK KOD HERA KOD JIWO KENDO JOLO MAEN KIDO
MARWA MAR JOLUO DUTO E PINY NGIMA.
 Migosi Aggrey Okelo, ayie kodi ahinya kod weche ma ise bedo ka indiko e
Jaluo.com.In kod chuny ma chalo kod mara. Gima duong ayuago e kindwa wan Joluo ni wawe uru rito ni ngato biro kelonua dongruok e pinywa to mana wan wawegi ema nyaka walok ngima marwa. Ayie kodi ahinya. Jok ma chalo Anyang Nyongo ema ber katelo nua kaka Joluo. Ka ise bedo ka isomo wechena  ineno ka awacho maler gik ma duokowa chien epiny Luo.Yawa mawase dhialo mondo otelnwa ei od bura kuodo mana wiwa. Kagidhi e bunge to gima Okuongo bedogodo en orundo Nyako moro matin marom kod nyare ma onyuolo ni Okawo ni chiege matin kendo Nyakono nyaka obed nyako Malando kendo Rabuor Mayom Jaberni ema oringo godo e Mercerdes Benz kendo ibuto kode ekom machien, koro en mana Sunga kod Kongo ma jateloni ok ongeyo kata jok mane otere mondo otelnegi. Jopiny tonenogi ma Jaluo MP koro odak achana to maeri en fuwo maduong ahinya. Kagik yiero to oduogo kod lwete nono  ka ok ongeyo ni jothurgi medo yudo rieko mae kaka telo mar fuwo gik ok ochak odhi eod bura kendo ,Pesa kata Omuom bende orumo to Nyako ma Lando kendo Rabuor mane orundo chande bende koro pache bedo motegno mariek kendo ringo weye Japuonj, Anyang Nyongo oyie okawie kinde kata ndalo adek kende opuonjie Joluo MPs. Pod kane awinjoe ka Luo MPs Odhi lalore kata bedo kod bura moro makende mondo gine
kaka gi nyalo kelo lokruok ei piny Luo.Penjo mara en ni Kuom Joluo duto ma MPs Jakom margi en Ngano to Jagoro kata Jakeno to nyinge nga? Wadwaro jogedo to ok Josunga kod Jochode kod Jokongo.  Yiero mabiiro biro bedo matek ahinya nikech wuondruok ok wadwar to thothji to chandore ka dala. Migosi Aggrey Okelo wariwre kod Yawa ma dwaro dongruok mondo wakel Lokruok e pinyuwa mar Luo.
Ok abi ling nyaka lokruok bedie epinywa maen ka Luo.

Jandikoen
Odhiambo Omolo Jakamagambo(Kodero Bara)

Inyalo oro twak kod weche manyien ne: Mig. Ajos wuod Atiga
  WuonAbila@jaluo.com

GALAMORO : Riwruok mar JOLUO e Piny Ngima, orwaku uduto mondo ubed e kanyakla mar burani. Ornwa nyingi gi nondi kaka obedo. Riwruok e teko joka Nyanam. 

WENDO MIWA PARO

OD PAKRUOK