04/07/2006
GRANTS
WECHE MOKADHO
;
BIDHI BIRO MANA KONYO JODWAR KA OTI KODE MABER.
Aduoko wach maber ma jandiko Philiph Ongili owuoyoe. An awuon ase wacho kendo pod amedo wacho ni Ok abi ling nyaka lokruok bedie Kuom Joluo.Migosi Ongili yie mondo itudri kod Jopiny nikech aneno kain wuod Luo mathuon.Ase dunyora ahinya kod ogandawa ma Joluo ni giwe nindo to dhok to Jokuoge dhigo.Kwayo mara chalo kama.Yie mondo imed lando wach mar Riwruok mar Onagi epiny mangima.In kaka aneno ka iwuoyo to ok ayangori maber, itieko kod KB KORO NONRO NI MALER ANYUOLA PENJO. KIK IBED WUOYI MA BOLO TO YANGRI ABIDHA NE JOLUO. Yie mondo itudri kod Jopiny kendo med Lando ahinya ni Mbuyi mar Jaluo.com ekar buthwa wan Onagi duto. Iwuoyo maber ahinya kuom Bidhi maen Opande kod otiko mar Ombulu Gigi beyo miwuoro to mana ka Jomriambo magin Josiasa ok owuondo mine kod (Jomath mag Changaa bende lando ni Ngane to oromo mokalo chumbi kod Omuom moro matin Kshs 50.00 maok nyal timo gimoro ma ochomo yoo).Jopiny oramo ni tugo kod dwanyruok
nyaka rum chuth epiny mar Onagi. Jopiny dwaro yore mabeyo,Jopiny dwaro sikunde mabeyo,Jopiny dwaro kony mar Pur kod Ohala maber, Jopiny dwaro Ogul Mama ma ratiro, Jopiny dwaro Kwe kod Hera. Jopiny dwaro kuonde thieth mabeyo. Ase bedo ka awuoyo ahinya ne Jopiny ni Wan wawegi wan Joluo ema nyaka walok ngima marua kaka anyuola mar Onagi(Jaluo) onge ngat mabiro aa oko ni geronua thurwa maen Nyanza.Tudri koda e mbuyi mara maen Dhiamby@aol.com eka wane kaka wakonyore.Mad imed jiwo anyuola kuom dongruok.
Kik waling to Wasigu toni oko kwalo gigewa.Med miyo Joluo weche mabeyo.
Nyasach Omogi Awando otelnu duto epiny mangima Joluo.
Jandikoen
Odhiambo Omolo Jakamagambo(Kodero Bara)
Joluo.com
Ka in gi mari moro ma di wandik ka to orni
Akelo nyar Kager,
kata wuon Abila, kata Awino Rayier
jaluo@jaluo.com
wuonAbila@jaluo.com
awinorayier@hotmail.com
Daher winjo dwondi in bende, iwinjo?
Inyalo oro twak kod weche manyien ne: Mig. Ajos wuod Atiga
WuonAbila@jaluo.com
GALAMORO : Riwruok mar JOLUO e Piny Ngima, orwaku uduto mondo ubed e kanyakla mar burani. Ornwa nyingi gi nondi kaka obedo. Riwruok e teko joka Nyanam.