04/26/2006
GRANTS
WECHE MOKADHO
;
WUON ABILA
PINY OWACHO PENJO NI NGAT MA ONENGO OLUONG NI JATELO EN NGANO?
Ose chanda ahinya ni ngat ma iluongo ni Jatelo kuom joluo to en Ngatno
Machalo nade?Ji mangeny ahinya ma ok ongeyo tiend telo ei Luo.Abiro temo lero tiend telo kaka onengo obedi.kuom Joluo kata ne Kenya Mangima.Jatelo en ngat ma onengo ota yagi kod ngado rieko kata konyo oganda e seche mag ber kata chandruok.Jatelo onengo obed ngat ma jaratiro e timbene kod wechene.Jatelo onengo obed ngat ma chunye tut ma ok buogre kendo rikni kendo ka owinjo wach to onono ndache eyor adiera. Jatelo en ngat ma gayo ji mondo kik koko kata tungni bedie ekind oganda.Jatelo onengo onyis ji kaka gi nyalo yudo chiemo e yomakare kagitiyo matek. Jatelo onengo obed ngat ma chunye ler ma oyie konyo yawa ma ok nyal yudo konyruok nikech wach mar tuo kata yor tho.Joluo ongeyo gik ma miyo ngato bedo ngat maber maji oluoro (respect) e kind oganda duto.
Kido mar ngato maber ema miyo obedo jatelo. Kik wa wuondre kod ni ngato nikod Omenda kata Omuom ni maeri en bedo jatelo.Kik wane ka ngato nikod ranginy mamalo (degree is not enough)somo e kong mamaloni maeri ose kete obedo jatelo.Kik wane ningato jatelo nikech en kod mon mangeny kata en okebe dhok mangeny.Kik wane ni ngato jatelo nikech en okiny kendo otek onyalo goyo ngato ma ok en kido mar telo epiny Joluo.Wan kod jotelo ma okel kod Nanga(Government)Machalo kaka ruodhi kod jotelo moko ma owuok e gwenge moko magi biro mana tiyo ka jopiny oyie kodgi.Jopiny nikod duol mar kwero Nanga(Government) ka okelnegi jatelo ma ok gidwar.Thoth jotelo mawuok e dhoudi moko ok kel ber kind ogandawa mar Joluo to gikelo mana rach nikech gibiro kagin kod achaya ei chunygi kuom Joluo.
Joluo ose dok chien ahinya nikech gi kia pogo jatelo kod Jananga (Government appointed leaders) Bedo Jatelo en gima ichueyo godo ngato Omiyo Joluo par uru matut kuom wach mar Bedo Jateloni. Maeri en mana paro mara kik ngatto kawe marach to en mana puonjo anyuola mar Onagi.Med mana paro mari maber mar konyo anyuola mar Onagi.. Ka iise somo wachni to land ahinya ni Jaluo.com e kar buthwa wan Joluo duto.Wapuonjore kendo wamnyore kendo wa kuothe e kindwa kendua.
Nyasach Omogi Awando Otelne Anyuola dutoei Piny mangima.
Jandikoen
Odhiambo Omolo Jakamagambo(KooderoBara
=====================================================
Joluo.com
Ka in gi mari moro ma di wandik ka to orni
Akelo nyar Kager,
kata wuon Abila, kata Awino Rayier
jaluo@jaluo.com
wuonAbila@jaluo.com
awinorayier@hotmail.com
Daher winjo dwondi in bende, iwinjo?
Inyalo oro twak kod weche manyien ne: Mig. Ajos wuod Atiga
WuonAbila@jaluo.com
GALAMORO : Riwruok mar JOLUO e Piny Ngima, orwaku uduto mondo ubed e kanyakla mar burani. Ornwa nyingi gi nondi kaka obedo. Riwruok e teko joka Nyanam.