GIMA OMIYO ICHULO OSURU NE NANGA (GOVERNMENT) SIRKAL

WUON ABILA

Piny owacho ose temo nono ka bende thoth dhano man Kaluo ongeyo tiend wach mar Osuru (Tax). Duoko ma ayudo nenore ni Ji mathoth ok angeyo tiend Osuru.

Jothurwa maeri ekama chandruok wuokie ekindwa kaka anyuola mar Onagi. Nanga (Government) kata Sirkal ok ose bedo ka puonjo ji kaka Osuru tiyo to kod kaka itiyo kode.Onengo ji duto matindo kata madongo onge maler gima omiyo ichulo Osuru.

Osuru en chudo ma imiyo Nanga (Government) Sirkal mondo gi kel godo ber ne oganda mangima kaka Gero yore, Kuonde thieth, Weche mag pur, Sikunde,Keto Ogul mama kod Jolweny marito piny , Miyo ji Pii modho maler ne oganda duto eyo makare epiny ma Nanga rito (Government). Nanga ni to en ango? Nanga kata (Government) kata Sirkal en In kata An eman kod teko kuom yiero jatelo maber manyalo rito piny kod kwe, gero,kelo dongruok kod tieko timbe mag maundo ekind oganda.

Nanga ok nyal timo gik mabeyogi ka ok giyud Omuom kata Omenda matin mawuok ewi ji duto koro maeri egima piny owacho luongo ni OSURU.

En mana weche mag Siasa seche duto e kindwa wawegi to gima omiyo wagoyo Siasa to ok wawuoye maler ne Yawa man ka dala. Penj anena ngat man buti kabende ongeyo tiend Nanga (Government)? Duoko ma ibiri yudo ni en SIRKAL Owacho to tiend Sirkal en Ruoth kod Polis. Magi e Sirkal ma thoth jok man kadala Kaluo oyango maler.

Ngato angata man ei Piny Kenya obed nyathi kata ngat ma ngongo chulo OSURU Kendo gichulo pesa kata Omuom mangeny sidang. Kuom Jok ma dongo matiyo, Ichulo Osuru kuom Misara ma ichamo e giko dwe, bange ichako ichule eseche ma idhi e duka ngiewi gimoro kaeri bende ichako ichule. Ka ingiewo sati, manengone Kshs 250.00 ichulo Osuru Kshs20.00 manyiso ni lawano enKshs 170.00. Kaen Nyathi ma odhie duka ngiewo Tam Tam to ochulo Ksh 1.00 , ochulo Osuru 25 otonglo ariyo gi ndururu tiende ni Tam Tam en otonglo abiryo gi nduru ru kende. Jok ma mine madhi e duka ngiewo moo mar chuora ochaya Kimbo matin mar Kshs 5.00 Ichulo osuru mar sh 1.00 manyiso ni morno nengone en Kshs 4.00 kende Wawe paro ni ji duto te ongeyo kaka piny igero kendo irito . Piny owacho yuakne Nengni adek (Governments) magise bedo godo mar Kenyatta, Moi kod Kibaki ni ok tagi maler eyor dongruok to Osuru to ikawo kuomgi kendo igero godo mana kuonde moko nono. Piny Owacho odag wachni chuth. Koro jopiny bed uru motang ni ok wanyal yie ni pesa wa ema ikawo kuomwa to kony moro malongo mawuok kuom Nanga (Government) kata Sirkal to onge. Waonge kod Yore mabeyo, Waonge kod Ute Thieth Mabeyo,Waonge kod Sikunde Mabeyo, Waonge kod Pii modho maler kendo Kawa puro cham to ok wayud konyruok kuom chamgo Kaka Niang, Pamba, Kahawa Kod Chai.

Jothurwa, In kata An ema nyaka Puonj jopiny kaka piny dongo. Joluo ne ogoyo ngero moro ni KIA kelo chandruo.Kik ngato parni en ema Piny Owacho wuoyo kuome, oyoo en mana nyiso ji kaka Osuru magise bedo ka gisolo itiyo godo marach to en gima omako Joluo duto.. Med lando wach Osuru ni ahinya ne osiepeni kata oganda man buti nikech wachni en adiera chuth.

Nyasach Omogi Awando Otene Joluo duto epiny Mangima.
Jandikoen
Odhiambo Omolo Jakamagambo (Kodero Bara)