Raila - Next President of Kenya

Nyocha awuotho gi Jakom e tunge piny mar kenya .Gima ne aneno ,ne omora kendo omeda mijing'o ni kare wang'ni jo kenya oyie ni gimiyo wuod oginga kom.

Ne wachako gi Mtwapa,Kilifi kod Malindi, kuonde mane jopiny orwakoe jakom gi sironyo.Malindi kama ne mjumbe lucas maitha otemo ketho wuodhwa ka okwero jopiny ni Raila ok bi ne oyudo wichkuot maduong' kane dhano ochopo e chokruok machalo mire.Ne ochuno ma obiro obedo kodwa.

Pogruok mar wuodhno gi wuodh jo ODM luminaries mamoko e dala mar malindi en ni ma achien ne oganda obire manok to ne jogo nitiere duto mak mana Raila,to nikech ne en e wuoth loka,kinde ma bende ne oyudo award .

Kinyne ne wadhi, Likono ei Mombasa,kwale district mangima watieko gi kinango.Chutho an ja siasa to ne pod ok aneno ka iromo ne ng'at ma jatelo mabende pod kwayo e yo mane jo nam chumbi oromenego kendo orwake e pinje go. Ogulmama mane temo ketho bura ma kinango mane olos kod mig.simon mukala ne kihondko ogoyo kane oneno ka wuod oganda odonjo gi mbi mar Ker ma Kenya.en ne odok obedo achiel kuom jogo mane orito budho no maber.

Ne wanindo Taita,kama kinyne ne wadhi watimo solro ne Skul ei piny Taveta ,tong' kenya gi tanganyika.Mig.Naomi shaban ema ne okwayo jakom e wachno.ja masaai ne oteng'o miel ka achiel gi jo taveta ka girwako jakom Odinga e pinyno. Bang'e ne wadhi mwatate gweng Marsden madoka. Piny ne otimo ataro.Ne awuoro ni bin luo ema gaore kuom jakom to kare joka bende oyie gi wuod odinga.Wuod jo wakamba ma inde ne osekalo kanyo ne jopinyno wuoro ni koso bin en ne obiro mane iko ne raila yo.ei buche duto mane wabedo godo kod jochung' ma kuonde go ne gikwayo Mig. balala ma bende ne wuotho kodwa mondo mi oriw Jakom Raila lwedo,kendo negikao thuolo makende ka gisiemo Raila ni kik dipo ni chieng moro wiye wil gi balala ka oseloso serikal.

Odiochieng maluwo mano ne wadhi sigalagala kod Voi town kama ne watieke wuodhwa ma pwani..Jakom ne owuotho gi tiende ka ong'ado ei paw nyamburko ka jopiny kowe kochomo paw adhula kama ne odhi twak gi jopiny.Ne awinjo ka jomoko wuoro ni "kare mae e raila adier..oyie mar wuotho e kindwa ma onge akweda kata achaya moro yawa", wuod jaramogi ni oromo telo adier.E pap e kama ne awinjo ka jopiny kwero Mig.Mwashengu wa mwachofi ma bende ne dhoge opusore ma olando ni en bende en e pap odwaro kom mar Ker ka okalo e otiko mar ODM.Ne jo Voi ,kama bende e dalagi,ong'udhe ma ochako wer ni raila Tosha,kod "bed piny bed piny bed piny bende no opong'o ita.

Kinde machielo,abiro pimo kaka ne wawuotho e piny rift valley ,western province,kisii kod Kuria .

Kinde duto,an maru.

Sam Rateng Okoth Kotiende -

samkotiende At yahoo dOt com ,kasipulkabondo aT gmail DOt Kom ,{0728 spacE 776669}