Radio Lake Victoria koro lido e nam Lolwe

Radio Lake Victoria Koro Lido e nam Lolwe

Wuon Abila ne andikonu e ndalo moko ka agoyo erokamano ne Jaluo dot Kom kuom ketonwa yo ma jokanyanam nyalo wuoyogo e piny mangima. Bende ne an kod mor ahinya ka ne awinjo ka wuoyo kod Ramogi FM e bironi pacho ndalo moro. Ne onego amanyi to thuolo ne otama. Ahero mar nyiso jokanyanam ni koro sani wan kod nyakalondo ma wuoyo kendo keyo koa Kisumo. Nyakalondoni en mar riwruok ma ok mar piny owacho ( NGO) miluongo ni OSIENALA Kata ( Osiepe Nam Lolwe ) wach momiyo andikonu en mana ni mondo anyis joluo duto moke e gwenge kod konde mag piny (diaspora) ni koro ginyalo oro paro margi koa e Jaluo dot kom kendo ka ondik ne Jatelo mar Radio Lake Victoria 92.2 FM. Magi e yawuotu kod nyiu ma tiyo e RLV 92.2 FM.

Jatelo Maduong' - Pastor Gilbert Opiyo
Jalupne - Ben Oluoch Okelo
Jatend Chenro - Nicholas Omondi
Jatend Chiro - Fofona Bangali
Jang'ad Rieko - Peterr Ostbirk

Jolendo - Milton Ochieng, Abisalom Omolo, Seth Oloo, Susan Odima, Tolbert Gekare, Janet Gitono, Wilis Omondi, Benadette Nafula.Wageno ni ka Nyakalaga oyie to wabiro dhi maber. Ageno yudo penj moa kuomu kendo akbiro kwayo Migosi Seth Oloo (Jatend weche - News) mondo otudre kodu e yor andika ka okelo nu weche manyien ma timore e Kenya. Yieuru mondo uduokwa wapimgo sirimo ma ungo kapok wachako kelonu weche moa koni gi kocha e aluora mar nam lolwe.

Oritu an mogenou kendo wuodu

Gilbert O. Angienda
ADMINISTRATOR, RLV 92.2 FM
KISUMU