07/05/2004
WECHE MOKADHO
JEXJALUO ****
;
Go koko ber yawa. An amor gi gima Dr. Oburu notimo kuom goyo koko mar mpango mar yweyo Raila. Jokajwang', kik dolwa dola ka gwen kamano to waling' aling'a.
Wadak kod jomafundu e Kenya. Jok maonge huruma. Jok modinore ka lwanda. Go koko no nyalo bwogogie matin. Agwambo otamo wang'gi omiyo ginyalo paro timone kaka gi setimo ni thwond luo mosewewa.
Sani weche ok yot e Kenya. Jatelo nyocha osechoko bura e od piny(state house)
kotemo yomogi mondo gi kadh chike ariyo mabiro dhi e od bura maduong'
machiegni ka. JoLDP onego chung' kar tiendgi. Sani jatelo wuondore nober kodwa to ka chike go kadho kama tolokore palariany. LDP nyaka chung' kar tiend gi. Tang' uru ni NAK. Murungaru gi Murungi pod ni kono.
Wayie ni paw winyo ma Kisumo tolosa losa, lakini tugo kod pach joLDP to
wadagi. Anyiero matagora ataga ni wang'ni ng'ato onyiso Murungi, Murungaru, Njilu, gi "morocha"- dhoko mane mak e kar ting'o osigo mar mtok padri cha-ni giterre mos. Gi mwomore ka ich mawuok. Ka aye jatelo bende ochung' gi Koigi chungo.
Mago duto beyo to lakini mago siasa mar yudo gimodwaro.
Wa sapot uru LDP gi jotend gi duto gi chuny achiel. Walem ni gi uru. Lweny to
pod ger to lakini Nyakalaga nyalo lonwa lwenj ni. Agwambo to dhi maber kendo
oloso maber, kata jogo thuthni to en odhi mos ka jatelo. Mano e en.
Ajuoga.
Ka in gi mari moro ma di wandik ka to
orni
Akelo nyar Kager
jaluo@jaluo.com
Daher winjo dwondi in bende,
iwinjo?
Inyalo oro twak kod weche manyien ne: Mig. Ajos wuod Atiga
WuonAbila@jaluo.com
GALAMORO : Riwruok mar JOLUO e Piny Ngima, orwaku uduto mondo ubed e kanyakla mar burani. Ornwa nyingi gi nondi kaka obedo. Riwruok e teko joka Nyanam.