JEXJALUO ****
Akelo Nyar Kager,
Aduoko erokamano kuom tich maber ma jaluo.com timo,kendo aduoko erokamano kuom paro mopogogore opogore maasebet kasomo e galamoch'uno. Weche ma ango gin wecheadek: siasa mar Orengo gi Raila; dongruok mar piny Luokod weche mag somo.
Jo'mathoth osegoyo duondgi piny e sigu ma nitie e kindOrengo kod Raila. Wach ma ango en ma: siasa kinde dutook luworega ngang gi duach jopiny to luwore gi duachjasiasa ( Nietsche, Machiavelli, gi mamoko). Bendeipuonjowa ni dongruok mar piny ok luwore gi duachjopiny to luwore mana gi kit telo ma jopiny nigo (SunZu and the Art of War). Gima atemo wacho ema: duachOrengo en duache owuon; kendo duach Raila, bende enmana mare owuon. Gima wan jopiny wang'iyo en ni kuomduach ji ariyogi ere manyalo konyowa moloyo?
Amor ni piny Luo kuom ndalo mathoth osebedo ka ok rangsirikand Moi kata mar Kenyatta mondo okonywa edongruok. Wasebedo ka wachandore mana kendwa, to bendewasomoasoma, to wachiemo, to ngima dhi mana nyime.Nitie ngero mawacho ni 'adak kata ionge' to jaluo toosebedo ka odak kata sirikand Moi nitie! Ma emamiyowadhil kod sinani; ma emamiyo wuod Odinga nyalo wacho nionjelo jagot ni okaw kitamba mar Minister otweBaringo; ma omamiyo wanyalo chano wechewa mos, kendoka ng'ata ang'ata ohedhre ni tugo kod jojiny, tithulemana oko kaka yande othul woud Ngure kod ochok wang'eochiek wuod Aringo. Jothurwa mana kaka ne wasolo pesamondo water sitima Yimbo ma ok wayuagre ni wuod Moi,ekaka wadhi nyime gi gero piny Luo - mana an gi in emawanagere. Tij ng'atachiel bura oloyo. Mosenindo OgingaOdinga ne ochako maber kod 'Russia Hospital' kod 'LuoThrift' to ka ne sirikand Kenyatta gi mar Moi omayeoteku to kata mana ndara madhi Nyamira ne oteme loso!Ochopo sama koro telo mar ng'at achiel onge gima nyalokonyo, telo makonyo en telo miluongo gi dho ngere ni'Corporate Leadership'. Mano e telo ma osemiyo Narcdhi nyime gi siasa kata ka ker margi - Kibaki - ni eng'ango, London. Ma etelo ma nyaka wager e piny Luo.
Mogik en wach mar somo. Jaluo otelo ni jokenya e wachmar somo, kendo mon uso mana omena mondo nyithindoodhi e sikul. Nyaka watem mondo owetewa gi nyimineodhi e sikul, nimar ogendni moko kaka atwara to ng'iyomana wach loso pesa. Jowa mosedhi e sikul bende nyakawathen mondo olos omenda maber. En wach malich sipwapni abonyo wuod Bombay, ema loso pesa e rech ma inawo edhoutwa Sango...
Jopiny wach iweyo gi mitne.
Ean Odhiambo wuod Omenya(Adhi Kenya due 16 goyo ombulu)
=====
Alfred Omenya,
Associate Lecturer and PhD student,
Department of Architecture,
University of the Witwatersrand,
Private Bag, 3 Wits,
2050 Johannesburg - South Africa.
Ka in gi mari moro ma di wandik ka to orni
Akelo,Nyar Kager
jaluo@jaluo.com
Daher winjo dwondi
in bende, iwinjo?
Kata inyalo oro twak kod weche manyien ne: Mig. Ajos wuod Atiga
WuonAbila@jaluo.com
: Riwruok mar JOLUO e Piny Ngima, orwaku uduto mondo ubed e kanyakla mar burani. Ornwa nyingi gi nondi kaka obedo. Riwruok e teko joka Nyanam.