AGAJA
KUYO

BARUPE

WECHE DONGRUOK

MBAKA

NONRO

JEXJALUO ****

NGECHE LUO

GI GWENG'

THUM

TEDO

LUO KITGI GI TIMBEGI

SIGENDNI LUO

THUOND WECHE

 
 
 
 
 
 
 
 

  
PENJO KUOM KEND KOD WECHE DALA
Jandiko Mig. George Omollo

Penjo; George Omollo: (1) Ka ng'ato okendo nyako aye ogero ot bang'e otero dhiang' gi diel thurgi nyako aye ka gidhi nyime gi dak to ochako otero dhiang' gi diel thurgi chiegeno bang'e okendo nyako moro bang' dakgi gi chiege maduong' kuom higini 9 kapok oyudo nyathi gi dhako maduong' to Nyasaye okonye oyudo nyathi gi dhako matin, dhako maduong' oromo bed nade gi nyathino?

Duoko; Wuon Abila: Mano tiende ni jaduong' pacho en jadoho bang' kendo mikaye kato ochako onyuomo nyachira nikech mikaye ne ok oyudo nyathi. Gima rach kanyo onge. Mak mana kik onego wuod nyachira ger simba e dir rangach bat korachwich, samoro mikaye nyalo yudo wuoyi bang'e. Onego ochor simba malo matin ka ipimogo kar od wuod mikaye, kata obedo ni pok onyuol kamano.

Dhako maduong' onego bed gi geno ni chieng' moro Nyakalaga norese gi nyathi kik obed gi ich lit nikech nyachira okuongone yudo wuoyi. Jaduong' pacho bende kik nyis achaya moro amora kuom mondego.

Penjo; George Omollo: (2) To ka mikaye ochwanyore gi chuore moringo aye chuore iye owang' mogero ne dhako matin bende ode aye omuko od dhako maduong' mane oringo kendo ochako otero dhok kod diek thurgi dhako matin dhako maduong'no koduogo to obedogo nade?

Duoko; Wuon Abila: Riembo dhako nikech ok oyudo nyodo en gima rach e chik Luo kik ng'ato tem riembo chiege nikech en migumba kata lur, mano rach. Hawi ok ongere, Adikinyi minwa kuom Yie ne ok onyuol to nokelo mwandu e dala Nyamgondho wuod Ombare. E seche mane odar to e kaka dalano nopodho.

Tero dhok kata diek thurgi dhako to ok rach mano en loso keny. Mak mana diel ne itero thurgi nyako ka dipo ni onyuol e simba kata nitie kwer moro ma onego tieki.

Ka dhako maduong' oduogo oa kariya to onego rwake kaka dhako mane osenyuom. Mak mana kane chuore omuko ode to nyaka ochak ogedne kendo, nimar ne ok herone mondo odhi. Ka dichuo odagi to kayuoche nyalo gedone. Jaduong' ok tiek kweche dhakono ka otho. Mak mana ka orwake kaka chiege.

Penjo; George Omollo: (3) To ka dichuoni dwaro golo dalane to otimo nang'o ka pok dhako maduong' oduogone? Dichuoni nene ok odonjo e od maro ma min chiege maduong' lakini nene odonjo e od maro ma min dhako matin!

Duoko; Wuon Abila: Bang' loso keny nyaka wuon pach rwak dalagi chiege mano eka keny olosi, en wach ma rach dhi dalagi nyachira ka pok orwake dalagi mikaye. Goyo dala gi nyachira ok en yo ma kare ka mikaye odhi kariya kata oriembe nimar onyalo duogo.Wechegi itero mos nimar giketho mier mathoth.
Medwa paro nondwa en: WuonAbila@jaluo.com

Ka in gi mari moro ma di wandik ka to orni
Akelo,Nyar Kager 
jaluo@jaluo.com
Daher winjo dwondi in bende, iwinjo?

Kata inyalo oro twak kod weche manyien ne: Mig. Ajos wuod Atiga
 WuonAbila@jaluo.com

GALAMORO : Riwruok mar JOLUO e Piny Ngima, orwaku uduto mondo ubed e kanyakla mar burani. Ornwa nyingi gi nondi kaka obedo. Riwruok e teko joka Nyanam.

WENDO MIWA PARO

OD PAKRUOK