JEXJALUO ****
Okawa gi wuoro ahinya ka awinjo ni wabunge moko oumo iyigi piny ni ngang', kura to ne gigoyo mana eyo maber. Gimedo wacho ni mana kaka jo-Kenya mamoko, gin thuolo mar goyo ombulu ne chama moro amora ma gihero. Kuom mano nyocha gi tuaro matek sidang' ka gisiemo wuod abandu, Mig. Awori ni oboth kuom wacho ni Kisise ne ok ogocho ne chama mongirore mar NARC to kaka kamano sirkand NARC to pod biro mana tiyonegi. Magi ethuondi mane tuaro go:Jimmy Nuru Angwenyi (Kitutu Chache), Henry Obwocha (West Mugirango), Samson Nyang’au Okioma (Kitutu Masaba), Zebedeo Opore (Bonchari), Dr Hezron Manduku (Nyaribari Masaba), Stephen Manoti (Bobasi) Godfrey Masanya (North Mugirango), James Omingo Magara (South Mugirango) and Joel Onyancha (Bomachoge).
Gima omako dhoga enni thothgi gin mana jo-chama mar FORD-PEOPLE, ma jakomne en wuod Nyandusi, mig. Nyachae. Donge ma nyiso ratiro ni gin jogwondo! Mar ang'o ok gibol ombuchgi ne chembe moko? Kata kamano, sirkal manyienni to onge gwondo, gibiro mana tiyone jo-Kenya duto. An to asiro gima wuod tok Kodera nyocha owachono. dawinj' dwond jo ramogi moko e wachni. Omed tudore e mbui ka.
Hesborn Ja-Kanga Skul
Ka in gi mari moro ma di wandik ka to orni
Akelo,Nyar Kager
jaluo@jaluo.com
Daher winjo
dwondi in bende, iwinjo?
Kata inyalo oro twak kod weche manyien ne: Mig. Ajos wuod Atiga
WuonAbila@jaluo.com
: Riwruok mar JOLUO e Piny Ngima, orwaku uduto mondo ubed e kanyakla mar burani. Ornwa nyingi gi nondi kaka obedo. Riwruok e teko joka Nyanam.