JEXJALUO ****
Jo-Kenya osebet kod geno mathoth kuom jokanyono mane oyier mondo otim nonro makende kuom chike ma tayo piny, idendo gi dho ngere ni "constitutional review". En adier ni jogi osebet ka tuomo omwom modhuolore sidang' nikech j0piny ne dwaro mondo chikegi owuog kapok yiero/ombulu ogo. mano ne ogik enam ka wuod Odongo ne obir ni kama ler. Gima ok donjna sani to en ma. Poropesa Ogendo kod osiepene moko sani koro olokore ni tich mane gitiyo higa mokalo odhi sulu. Omedo wacho Ghai, jatendgi ne orikni gi golo buchegi. Daher penje ni to dak ne owach ma e okang' mosekalo. Kadapar ni owuoyo kama nikech oneno ka omwom manyocha giyudho koro dundni dabed jakoso? an to aparo ni magi gin oyuma ma ok onego owuog edho joma osomo nyaka rang'iny mamalo kamano. Kata kamano omenda to osewito ji mang'eny oko. pacha paro ni Ghai otemo matek ahinya kuom nonom chikegi to eh adier pod onego med non tiendegi matin. Ma ok onyiso ni tich mokalo odhi kayiem kaka Ogendo gini wacho. Wabed uru joluor kuom tije jowetewa. Ma eka wanyalo gero piny maber. Omed tudore.
Hesborn Ja-Kanga Skul
Ka in gi mari moro ma di wandik ka to orni
Akelo,Nyar Kager
jaluo@jaluo.com
Daher winjo
dwondi in bende, iwinjo?
Kata inyalo oro twak kod weche manyien ne: Mig. Ajos wuod Atiga
WuonAbila@jaluo.com
: Riwruok mar JOLUO e Piny Ngima, orwaku uduto mondo ubed e kanyakla mar burani. Ornwa nyingi gi nondi kaka obedo. Riwruok e teko joka Nyanam.