JEXJALUO ****
Eh, joluo ne owacho ni jatich ber kod msache to mar wabunge mag Kenya to koro lunyo wang'! Nyoro eka wuod Odongo nyocha otemo matek ma omedo wabunge msara. To kapok gweno omwonyo olaw to kendo gichako gihore ni gidwaro ni omed msachgi. Pesa ni wuok kanye? Yawa, kaluwore gi kaka dongruok mar pacho mar Kenya chalo, to aparo ni dine gitere mos matin. Nitiere weche moko mag dongruok monego gichomie wang'gi moloyo bedo kod siso mar medruok mar omenda. To gbende nyaka wang'e ni pesa to ok rom. Adieri pessa ma wabunge mag Kenya chamo sani dipim mana kod pinje mane oselony. Mano ok en gima ber nikech Kenya pod nikod okang' mabor ma ok dibed gima ber ka warwado pesa mar jopiny eyore ma ok odhi kare.
An dawinj maber ka pesa odhi eyore mag somo (ma sirkal nyocha osingo ne jopiny), neno ni kwe obetie maok ni jomoko (Jo-Mungiki) owuok tung' moswo, yore olosi(barabara), yath obedi e osiptende kaachiel kod thieth mong'ith ma ok ni malaria ndulo jothurwa piny!, Eh yore macjhalo kamagi kata ka iwinjo ni pesa dhiye to ionge gi ng'ur moro.Daher winjo pach jo-Ramogi mamoko ewachni. wamed tudore uru. En erokamano mang'eny ne jomane ochako mbui ni, koro omiyo watudore eng'we yamo.
Hesborn, Ja-kanga Skul/Kamagambo.
Ka in gi mari moro ma di wandik ka to orni
Akelo,Nyar Kager
jaluo@jaluo.com
Daher winjo
dwondi in bende, iwinjo?
Kata inyalo oro twak kod weche manyien ne: Mig. Ajos wuod Atiga
WuonAbila@jaluo.com
: Riwruok mar JOLUO e Piny Ngima, orwaku uduto mondo ubed e kanyakla mar burani. Ornwa nyingi gi nondi kaka obedo. Riwruok e teko joka Nyanam.