Dhako maduong' ne oa, koro oduogo; atim nade?

Jaduong' wuon Abila, amoko; akwayi ni kiyie to konynaye wach machandani.
Nene akendo dhako mar ariyo to bang'e mikaye mara nene oringo oweya kapok adonjo dalagi to kata kamano nene asetero mwandu mag nyombo (dhok gi diek) thurgi. Gima omiyo nene pok adonjo eod maro en nikech yuochena madongo chuogi pok odonjo e dalagi omiyo mano nene olorona donjo eod maro. Bang'e nene agero ne nyachira (dhako matin) ode ka aye to amuko od dhako maduong' aye adhi nyuomo dhako matin badonjo edalagi eod min-gi bachiemo. Penjona en ma: sani koro wuon jaoda mane oringo obiro dalawa ni nyare tuo manyalo tho sa asaya koro odwaro ni ka otho to okele dalawa mondo ayike.
An wuod Ugenya kama chike luo podi omokoe mati matta!
Nene anyuome dhok, ode nene amuko, pok adonjo dalagi, oonge gi nyathi, aseko donjo e dalagi nyachira bachamo gweno, nyachira wan-go gi nyathi achiel mawuoi.
ATIM ANG'O E WACHNI?

 

Duoko: Ka dhako maduong’ ne oweyi to odhi por, ka oduoge e dalani, kata ongima, kata ose tho, to koro nyaka igedne oko mar dala ma ine gi nyachira.

Ka ne ok opor, koduogo to ode ne ose podho, igerone abila kama ne ode machon nitiere.

Sule nyarOkuom