JEXJALUO ****
Jothurwa,
Ageno nine uneno wach mane owuok a gaset kaka chiro Kibuye ne owang'. Kibuye owang' duto kendo lit ahinya. Gini ne lit ndi nikech jo ohala ma thurwa
olalo mwandu mathoth ahinya a majni. Gima ne lit en ni mach liel to onge yo
ma inyalo nege godo. Mtoka manego mach man Kisumu ok ti maber to matiyo
achiel kende ni mana e paw ndege man Kisumu. Kane awuoyo kod ng'ato Kisumu to nyisa ni mtoka mach ne ringo dok a paw ndege sama ndege piyo to ka ndege ose piyo korka ochako odok e mach mane wang'o Kibuye. mane okwongo obiro e mach to obiro bang' seche ariyo ma onge pi. Mano doko wach!
Mayor Claxon Otieno Karan ogolo wach ni mondo sirkal kod donors okony Kisumu mondo giyud mtoka manego mach. Wan bende wan mana donors ema omiyo nyaka wane anena kaka wanyalo konyo Kisumu yudo mtoka mach. Gima ne aparo chal kama, ne jowa ma odok e pinje ma oko, waket uru kwayo e ute mach man e kidienje ma wadake loka ka bende gin kod mtoka mach moko ma ginyalo miyo jo Kisumu. Adieri ok inyal ng'eyo ni gin godo kata gi onge godo ka ok ikwayo.
Kama adake pile ikwayo wa pesa mondo wakony godo jo ma i kod mach, fire
fighters, an bende koro ogik kama adwaro dhi wuoyo kodgi ka ginyalo konyo
thurwa. In bende tem anena ka inyalo penjo jok man kama idake ka ginyalo
bedo kod moro ma oti ma ginyalo donate ne thurwa.
Yudo mtoka mach diber ahinya to ka onge, donge wanyalo solo pesa mondo
wakony godo Kisumu ng'iewo mtoka mach. Bechgi to ang'eyo ni tek, en pesa ma
okalo shs 37 million. Kata kamano matin matin ema pong'o kibabu.
Mani en mana paro. Ka in kod moro ma opogore to walos mana wach mondo wadhi nyime. Ka opo ni nitiere jok ma oyie kod wachni kare watudre uru mondo wane kaka wanyalo lose.
oritu jothurwa
Joshua Obell Nyanja
New Jersey, USA.
Ka in gi mari moro ma di wandik ka to orni
Akelo,Nyar Kager
jaluo@jaluo.com
Daher
winjo dwondi in bende, iwinjo?
Kata inyalo oro twak kod weche manyien ne: Mig. Ajos wuod Atiga
WuonAbila@jaluo.com
: Riwruok mar JOLUO e Piny Ngima, orwaku uduto mondo ubed e kanyakla mar burani. Ornwa nyingi gi nondi kaka obedo. Riwruok e teko joka Nyanam.