Nindo chwo kod nyiri ndalo machon

Amosou joka nyanam.
Ageno ni  udhi maber.
Wach moto chanda ma dine agomb ni ng'ato olerna.Gin kweche mage ma joluo ne ni go kuom nindruok e kind joma pok okendo kata okendi(premarital sex) to gin lokruok mage ma osebet kuom wach ni.
Erokamanouru jothurwa.
E an Dan.

Duko: Wach mar nindo ka nyako pok okendi ne en wach matek ahinya kuom Luo. Nyako ka ne onwang’ ni ose nindo gi wuoyi ka pok okende ne kelo wichkuot kuom jonyuolne, kendo kata chuore bende ne ok ohere ahinya, kata mana nyiekene ne ochaye, kendo okawe ni en bodho.

Wuoyi kane ohango nyako, mano koro en chiege. Ka mit otamre kendo nyakono to nyaka ochul dhok mar duong’ nyakono.

Wuoyi ka ne okendo nyako, to nyako nindo dala gi wuoyi ndalo adek kata ang’wen, bang’e nyigi nyako a thurgi, dhi dala gi wuoyi, iluongoni giomo ndaria. Tiendeni gibiro penjo ka wuoyi oyudo nyako gi ringre. Ka giyudoni kamao, to kinyne gidok thurgi, dalagi nyako, gitero ndaria. Kendo  gi wer ma lich ahinya ma mon gi nyiri romonegi koda min nyako bende. Mor oromo gweng' kendo nyiri tedo nyoyo gimuodo chieng’no.
Ka giyudo ni wuoyi oyudo nyako ka onge gi ringrd to bende kinyne gidok ka giwer ma ng’ich ng’ich, koro romo bende onge malong’o.

                                Copyright © 1999-2006, Jaluo dot com
                                All Rights Reserved