JEXJALUO ****
Lero tiend weche: Riya (ria), Oigo, Bodi
Dwoko Mikayi Grace Min Kadhola
Min Kadhola: Kinde machon ka dichwo gi dhako osegik e
okang' ma koro gin jomadongo, ne ok gi dagi ei ot achiel, koro ng'ato ka
ng'ato ne bedo kod ode. Koro penjona en ma; magi ne timore ka gin kar higni
adi?
Wuon Abila: Higa ne ok kwan e okang' ma sani ikwane nika ng'ato
osechopo higni 55 to oweyo tich (retirement), ooyo, man o ne timore ka miyo
osetieko nyodo kata ka wuon pachrgi tuo ogolo e pacho (olokore buoch). Ka
mano otimore ka miyo ne pod tin to en dhoch ma loko tek nimar onyalo bedo
gi gombo mar ringruok.
Kaen miyo moti, mosetieko nyodo to onyalo pogo pien gi wuon pargi. Samoro
mano ne nyalo bedo kar higni 60 kata 70. Dhako mose a e riya (ria)
ok chak oriwre gi ng'ato kendo. Onego otimre ka nyithindgi osegolo miechgi
ma koro kweche dala ok makgi kendo.
Kata chwore otho to ok lage (tere) e yor ringruok! Yuore moro biro
to ng'ao nangane e odno kendo orito nyaka kogwen kato owuok oko mano osetieko
kwer.
Min Kadhola: Sani ma koro ji gero udi man gi agoche (rooms)
kuonde mopogore opgore, bende dichwo nyalo dar dhi loso kar nindone e achiel
kuomgi koso nyaka oger mana abila/ode moro matin?
Wuon Abila: Gero abila tiende ni en ot ma osuche opogore gi
ot maduong' ka en agola man e odno to mano ok nyal lounge ni Abila. Omiyo
dichwo ok nyal loko pien to dhi nindo e agola machiel.
Ka gir kirage agwambo nyalo timore e odno ni dhako jachien oidho okelo yuore
moro e odno to dichwo bende nitie e achiel kuom agoche mag odno, mano chira
ma ok osre. Dichwo gi dhako nyaka tho.
Abila igero e dier pach kama oyangore, mano e kama wuon pacho chieme kendo
nonyalo pidhe nyathi kich ma jonyuolge otho oweyo kende.
Min Kadhola: Asebedo kawinjo ni chon ne nyiri goyo bodi kod
oyigo (oigo), asetemo somo buge dholuo to pok ayudo kaka itimogi.Yie ikonya
kae agombo ng'eyo ahinya kaka ne itimo gi.
Wuon Abila: Miende ariyogi pogogi tek chal mana ng'at ma dwa
pogo wich g'obuongo! Kata kamano gin miende ma nyiri mielo kendgi ma chwo
ok kikre kodgi.
Oigo en miel mane ikowo godo wuon kisera bang' keny kirwake godo e ot. Bodi
bende en kit miel mane nyiri kata joma mine mielo e nyasi mopogore opogore
kaka mar riso nyako, tero ndaria kod ma moko.
Bund kalapapla mochuogi gi pien ng'ech emane igoyo.
Med somo kodwa: Nondwa en WuonAbila@jaluo.com
Ka in gi mari moro ma di wandik ka to orni
Akelo,Nyar
Kager
jaluo@jaluo.com
Daher winjo dwondi in bende,
iwinjo?
Kata inyalo oro twak kod weche manyien ne: Mig. Ajos wuod Atiga
WuonAbila@jaluo.com
: Riwruok mar JOLUO e Piny Ngima, orwaku uduto mondo ubed e kanyakla mar burani. Ornwa nyingi gi nondi kaka obedo. Riwruok e teko joka Nyanam.