JEXJALUO ****
Ndiko mar biblos wacho ni e endalo giko timbe biro timore ma galagala. Kare en adieri. En wach mosaso it jite. Ok e pacho mar Kenya kende, to adier Afrika mangima. Jo-thurwa awuoro ka dayo be kare dende pod nyalo ore pa! Chi omera (jabura Otieno) otimo kwero kata obedo ni en nyar mwa kamano. Eh kata mana jo-rabuon be ong'udhe oko!
E piny Kenya, nitie lony mang'eny. Kuom ranyisi, wan thuolo mar lemo e din mawahero, timo ohala kamoro amora, wuoyo, nyombo, kod mamoko. Eh dhano bende ja-kwadh chunye. To ma ok onyiso ni mondo waketh ngima jowetewa nikech wan kod mwandu. An wuod Luo kendo adongo e piny Kenya (dala kod kapango be). Engimana duto, ka awuoyo kod jodongo kaachiel kod rawere to ayudo ni onge hera ma adier manyalo bedo ekind ji ariyo ma hikgi bor kama. Moloyo to ni dayo kod mbas nyakware! Nyathi (Mbugua) ma koro onduoro wiye ni chal ni chunye wuonde ni mwandu biro dong'ne ocham. Kokwongo ne Wabui to? Ka ok kamano to en mwandu marom nade ma dimi itimri raura kamano.
Koro to adwa koro wach ka. Dhakoni ok otimo liswa mana kuom rawera ni to kata nyithinde kod anyuonde duto kaachiel kod osipepene. Moko nyalo wuonde gi nyiero to echunygi to ok girwako gima otimo. Dine bed ni oyudo jadiya moro ma hike chiegni kod mare to bende dine piny ok ofwolo. To wang' teko ma chalo kama ok dhi nono. Ket uru wang'u mondo une kaka dak mar Wambui kod nyathi monyunje ni biro bedo. Awinjo jomoko wacho ni remb dhakoni ger. Oger maromo nade?
Ngima kata tho to ni elwet Obong'o. Kik dipo ni wach rawera Mbugua kod chotne ema omiyo min Mbugua otho. Wachore ni mama no ne nitie gi tuo mar "high blood pressure" (lokna uru ma). Weche ma buogo chuny wachore ni medo tuo ni kendo nyalo kelo tho. Mano to be aweyo mana gi kanyo.
Daher winjo duond jopiny kuom wachni.
Jandiko,
Mito Wuon'Obonyo ja-Kanga (odhoge).
Ka in gi mari moro ma di wandik ka to
orni
Akelo,Nyar Kager
jaluo@jaluo.com
Daher winjo dwondi in bende,
iwinjo?
Kata inyalo oro twak kod weche manyien ne: Mig. Ajos wuod
Atiga
WuonAbila@jaluo.com
: Riwruok mar JOLUO e Piny Ngima, orwaku uduto mondo ubed e kanyakla mar burani. Ornwa nyingi gi nondi kaka obedo. Riwruok e teko joka Nyanam.