JEXJALUO ****
Amedo jiwo ahinya wach maber ma asomo odiechieng maka wuono kuom weche madhi nyime Kenya. Migosi Odhiambo Oscar Lawrence owuoyo motegno ahinya.Kik wabedni ose miwa tije moko adek ni koro math orumo gi kanyo. Nyaka ne wagunda dog thurgi, onge jok ma ose neno ma Joluo ose neno. Joluo ose sandi miwuoro kane loch mar thuon gweno tiyo.Koro sani wan joluo ema koro wakelo lokruok Kenya to kaka nyocha ase ndiko ni Okuyu Jorabuon duogo loch nanga mar GEMA.Yawagi gin jok mawa ngeyo timbe gi,kik upar ni Wuod Kenyatta onge wachni en chiemo moselosi ma oketie mesa. Sani okuyu oriwore makik wapar ni nitie pogruok.Nikech giyudo thuolo mar ariyo koro gidwaro yake ahinya. Nyocha aneno kagi miyo wuodwa ma Nyaseda tich mar kamisina mar ogul mama. Nyaka otiek wach Mungiki chuth.wadwaroni otem tero nyithindo madwaro tije mag ogul mama mangeny kaka nyalore.Ma e kwayona ne Joluo duto man kod telo. Miuru Joluo tije kendo wamed uru puonjo nyithindo nikech kiny gin ema gibiro telonwa. Mondo chieng moro Jaluo tel ma bed President en gima nyaka wachak mana loso sani. To inyalo mana lose kaluwore kod tich mangato ose bedo godo. Loch en gima idwaro kod yore duto.Sani Raila ose temo kaka onyalo. To kadiponi gimoro otimo Raila sani ere wuodwa manyalo chung motegno? Ber mondo wabed kod yawa kata adek machalo kod Raila maka gimoro otimore to chung ma otegno ne joluo. Okuyu ne oseneno wechegi chon ema omiyo yawa ma chalo Kibaki ngeny ei okuyu ahinya. Kenyatta ne otang ne jopinygi omiyo kata Moi nyocha otemo ahinya mondo otiekgi tone ok en gima yot. Nikech loch mane oyud manyienni,joluo nkod thuolo mondo giwuo giwach paro margi nono to onge ngat ma biro konyogi. Raila,Ochilo,Tuju kod yawa mamoko man kod tije mabeyo kony uru joluo. Anyuola duto mane piny ngima dwarore mondo omed wuoyo ahinya ewacnni.
Ean Odhiambo Omolo Jamagambo-Rongo.
Ka in gi mari moro ma di wandik ka to orni
Akelo,Nyar Kager
jaluo@jaluo.com
Daher winjo
dwondi in bende, iwinjo?
Kata inyalo oro twak kod weche manyien ne: Mig. Ajos wuod Atiga
WuonAbila@jaluo.com
: Riwruok mar JOLUO e Piny Ngima, orwaku uduto mondo ubed e kanyakla mar burani. Ornwa nyingi gi nondi kaka obedo. Riwruok e teko joka Nyanam.