JEXJALUO ****
Jaluo, wach moro chanda kani ahinya. wach ni ageno ni ok an kenda ma osechanda to aparo ni kata in bende kod Joluo mamoko. Yawa, en ang'o matimoreni ei dalawa ka? Ma en malich machalo nadeni? Ang'o momiyo wechegi timere kama?
Ka nyocha wakedo lweny monenore ni waloyo kendo yawuotwa emanenie rangi'ny mamalo to koro ere kaka weche chako lokore kama ma wan koro chal mana ni wadwaro gweno chogoni? Be uneno gima aneno ni? Koso kombe moko ariyo adek ma nyocha omiwagi oumo wang'u ma ok unen? Bende uneno ni osebol wa pangla? koso awacho meka nono?
Ka Amolo Ninja winja to odwoka ane? Yiero manyocha otimore e dwe 12 nyocha ne in iwuon ichiwori ma dek kithoo mondo joluo oyud chiemo maber. To ok Joluo kende to kata kabinde moko be oyud chiemo. To ma koro ang'o matimoreni? Kik wawuondre uru Joluo. Wachikre uru tir mondo wawach adiera. Raila kod Ayacko kod Raphael Tuju pwinjore omi Joluo wa tich mapiyo kaka nyalore. jo atherere miyo jogi tije kendo jatelo to miyo joge tich elela to waneno. Oluongo nyaka jogo ma ikgi noseromo molunegi mondo gidhi dala. Ero nyocha uneno ka oluongogi tetete momiyo gi duto tije madongo dongo. Want mekwa eke?
Kik obed matek ne Jotendwa konyowa. Gik gitim gik ma gitimoni. Kik utamru nenowa ka wabiro iru. Wan ema nyocha wagoyonu ombulu mi uyudo tijego. Yie uru unewa mondo wanyisu chandruok ma wan godo. Losnwae uru nafas mondo waneu.
Anto ang'eyo maler ahinya ni ok dukony ji duto. to kata kamano, kik utamru ni ok wanyal kata nenou kata wuoyo kodu e simu. Joka nyar Nam ma wach marach ma pinje duto wuoro. Me mondo achak amiu ranyisi: Ka nyocha Ngilu oyudo kom man "health" sani en ng'a ma Director mar Health kata Kenyatta Hospital? Ango ma omiyo Joluowa mandongo to iriembo e tich? Ango momiyo? an adwaro duoko!!!!!!
Wach mogik en ma: Ka dipo ni Tom Mbuya, Okiki Amayo, Jaramogi Oginga Odinga, Paul Mbuya, kod joluo manedongo dongo mane osetho dichier sani ma yudwa kaka wantiere kawuononi, bende digimor? Ma en penjo madhine jotelo kaka Raila, Ayacko, Tuju to gi mamoko: BENDE UN GADIER NI KOMBE MOMIUGO GIN E KOMBE MA U DESERVE? BENDE UN GADIER NI TUGO MADHI NYIME NO UNULO? TO, BENDE UN GADIER NI JATENDWANI NIKODU E ACHIEL?
Gimomiyo apejou magi duto en ni wan jok man oko waneno mang'eny ahinya ma un ok une. wawinjo mang'eny ahinya ma un ok uwinji. To bende wan ema ne wayierou. Ne wayierou mando udhi e bunge mondo wayud konyruok kaka Joluo. To kech pod kayowa, pod watuo wachiegni thoo. Mungiki be pod chendo. Nyaka ung'e malongo ni KIBERA ESTATE (as a whole) Joluo ng'enyie moloyo kabila mokogi. DANDORA KOD KARIOBANGI gin Joluo lilo. KAWANGWARE KOD KANGEMI mago joka nya Nam lilo. To gimalich miwuoro en ni Jo Mungiki negoji kwondegi piny maruu to jotendwa olin'g THI KA MACH MAR TIAN'G! Mano doko tim.
Jo Ka Nya Nam, wadwaro mando wayod lemo kendo wachiem kaka jomoko bende chiemo nikech kiwach adier ma ok med gi kiawa kata miganga, JALUO EMA OGO KANU KOD MOI E LOCH!
Aol kod rito. Chutho chutho, WAOL KOD RITO.
Odhiambo Oscar Lawrence, Jakomal Achiel Mariek
Wuod Othoro, Kabondo.
Ka in gi mari moro ma di wandik ka to orni
Akelo,Nyar Kager
jaluo@jaluo.com
Daher winjo
dwondi in bende, iwinjo?
Kata inyalo oro twak kod weche manyien ne: Mig. Ajos wuod Atiga
WuonAbila@jaluo.com
: Riwruok mar JOLUO e Piny Ngima, orwaku uduto mondo ubed e kanyakla mar burani. Ornwa nyingi gi nondi kaka obedo. Riwruok e teko joka Nyanam.