JEXJALUO ****
Ochuna miyou wachni nikech nocha achikou. Kenya ochopo e seche ma lich ahinya. wang'ni wabiro ywagre kendwa. Jodalawa tee oyie ni dwaro loch mongirore, to bende ni gi ol gi thagruok mapile. Jondiko mang'eny bende ndiko kamano to adieri nyaka wang'i chien ma wafweny kama gigi duto wuok e. Jaduong' Ulaya Wiston Churchil no ko ni " piny ma wiye wil gi mosekalo onge gi kiny" ka wang'eyo chien maber to wabiro dhi nyime gi rieko kendo gi locho.
En adieri ma ok lokre ni ng'ato ok nyal chiwo gima oonge go, bende jalok wach ok owinjore ochikne it. Nikech nenre maler kwar Wanugu biro yombo ok abi mako tol. Jodalawa nitie gik malokore kendgi bang ndalo to moko nyaka jochir loki. Japuonj joBaringo to dhi dala ni seche orumo, loso mwandu kenya, tieko dhier, loso tije, tieko kwo, gero ngima, somo gi konyo jopiny oyud mor kendo ochop e gombogi, dwaro chir ,adieri gi rieko.
Jim wuod Paulo osenyiso ratiro e kido ni ojachir chakre chon. Ka aparonu mana machiegni, kane ochako riwruok mar lokruok Mageuzi, ne otero Moi ng'wech ka jalweny adier to kendo ma onge asere. Ojaadieri kendo podi ok oloko wachne kata dichiel, Orengo jabura kendo en jaluo mokwongo bedo okil mar higa e kenya eka Ombaka, ma koro Rachel okawo sani. En ema ne odwaro golo Moi e kom gi bura makare ni tich otame. Nyatieng' riek kendo en ema ne ogonyonwa Anguka ka loch Moi dwaro kete misango e tho Ouko. Wuonya Ndere jaratiro kendo ok ohero mwandu miyako, ohero jopiny gi chunye tee omiyo oyie wito osiepe manono. Yawa ung'eye! Ja Ukwala ni gi gik ma jo Kenya dwaro kendo oikore chiwogi.
OK adwa pime gi ngato moro amora nikech onge raping dhano. Wuoth biro bedo mabor to ang'eyo kendo ubi upar ni ne awacho ni Jim oromo telo. Ma to oila ma nyaka awache. Jaluo bende nyalo telo ok ni Joka Jaramogi kende. Wach manyocha Raila owacho e dala Ondiek jaduong' jolejo ni onge jaluo manyalo telo ni jokenya nikech en gi wuongi notamogi en ayany ni mine manyuolo jotelo pile, ni jopuonj mapuonjo jotelo, kendo ni wante. Waparuru wechegi gi miwafu. Kik bedi ni ne wang'eyo nibiro timore, ni ne waneno ka obiro, to onge gima ne watimo.
Omondi Ja Ugenya
Ka in gi mari moro ma di wandik ka to orni
Akelo,Nyar Kager
jaluo@jaluo.com
Daher winjo dwondi
in bende, iwinjo?
Kata inyalo oro twak kod weche manyien ne: Mig. Ajos wuod Atiga
WuonAbila@jaluo.com
: Riwruok mar JOLUO e Piny Ngima, orwaku uduto mondo ubed e kanyakla mar burani. Ornwa nyingi gi nondi kaka obedo. Riwruok e teko joka Nyanam.