JEXJALUO ****
MBAKA E KIND MIG. OLUOCH GI WUON ABILA
Gerald Oluoch: Wuod Atiga, pachi kata riekoni bende awinjo.To makmana ni wawinjre e gmoro achiel. Dongruok mar piny luo ok nyal biro e yor pogruok, kata, obed referendum.
Wuon Abila: Odiero! ayie gi wachni mayudo e wang' odhiambo kowuok dala mar Italy, mano ber wuod Luo pach dhano opogore to adieri ok tow ngang'. An bende daher ka joluo nyalo riwore kanyakla kendo obed gi dhok achiel, mano e kaka wanyalo gero pinywa. Asetemo sumo rieko e pinje jorachere to aneno mana ni riwruok e teko mano ok onyiso ni joluo ok nyal riwore ma ger pinygi giwegi. Sani koro Kosika (Corsica) goyo ombulu mar referendum mondo gi bed gi pinygi giwegi inyalo nyisa ni Kosika gi piny Luo ere gweng' ma duong maloyo moro?
Kosika onge gi mwandu moro amora mak mana watalii kende ema gi yudo godo yor konyruok. Ka ombulu owuok ni oganda osiro wach mar rito pinygi gi wegi to ang'o ma nyalo mono gi rito pinygi giwere gi jo-Faransa. Ato Gibraltar to idwa nyisa ni romo nade? Oyieyo ma thoth ok kuny bur! Kinda e ng'wech!
Gerald Oluoch: Wase pingo sirikal higni man'geny ma onge ranyisi malong'o. Sani Jaluo odhier ma tamre gi nono. Somo to wasomo, kendo yawuotwa riek sidan'g. Economy mar Kenya was equivalent to the koreas' in the 70's. Kawuono onge pimruok. Omiyo jarachar ne opgowa. Kendo jaraten'g bende omedo pogowa. E piny ma kawuono ni, Joluo adi man kod mwandu ma o invest e luo nyanza?
Wuon Abila: Sani koro in kaka iseneno ni onge joluo ma oketo mwandugi e pinygi kamano, koro gima ber en ni mago misechoko Itali kono ternwa e piny Luo, an bende ayie riwora kodi kuom gero pinywa mak mana ni lweta pod ni nono!
Onego waket Kisumo city obed kama watalii nyalo limo; mano nyalore mana ka wagero kuonde math gi nindo, (magawa). An asomo weche mag rito kar math gi nindo, anyalo ritonu dag andiwo gi kuonde kawo ayul maber ahinya. ani mano bende e yo ma wanyalo miyo godo yawuotwa gi nyiwa modong' kaluo tije.
Joluo pok otero mwandugi nikech giluoro loch jok'Owiny ma rito Kenya sani. Jo-Koria (Korea) mipimo gi jo-Kenya go to en mana statistik mar jo-Amerka ema wachoni gin maber dawuornie ni joma chandore kono thoth maloyo kata jogo ma thagore e piny Luo.
Pinje jorachere bende otero mwandugi kiro nikech jogo wigi nindo kendo giloso omuom ma tamre gi nono, kato bang'e to ging'wel godo pep, gidok godo e pinjegi.
Gerald Oluoch: Economic sense chuno gi tero mwandu e pinje mamoko. Ma ema omiyo awacho kendo anwoyo ni jaluo oter mwandu e piny nyanza.
Wuon Abila: Mwandu to nyaka water mana e piny Luo! Mokuongo to wadwaro loso Luo Nyanza State mondo kik wabed gi luoro ni mwachegi (jokiyaka) biro chandowa kendo. Kata kamano ka giyie tiyo kodwa to onge rach wanyalo bedo gi kwe e kindwa kodgi to wuodruok ema sani waweuru. Wuod Oginga nyocha owacho wach achiel ma jorabuon oyudo loch ades; nowacho ni "KIBAKI NATOSHA", bende nitie ng'ama ne ochako opingo? Onge kata achiel, kata wuod Nyandusi ma ja tok dalawa (Nyachae) noyudo buok e wachno, omiyo jaluo oromo bedo gi pinye owuon.
Gerald Oluoch: Ban'ge eka walos referendum ka wan kod gimoro e lwetwa.
Wuon Abila: Referendum ema kuongo korka wachako gero pinywa! nomar endalo referendum lisasi biro muoch, ng'wech biro ringore, gik moko biro kethore omiyo wakuongo gi ombulu mar chungo MISE mar Piny Luo.(Uhuru na Maendeleo).
Gerald Oluoch: To ok lwetwa nono. Transportation e piny nyanza en mar okuyu kod ja kisii. Mwanduwa dhi e dhoudi mamoko. Jaluo wager nyanza kendo wager piny luo. Bange wanyalo go korwa ni wadwaro referendum
Wuon Abila: Nyamburko ma ringo e piny Nyanza to thothgi gin mag mwache mana kaka iwachono; mano nyiso kaka wan gi kwe gi jogo ma nyalo tiyo kodwa kanyakla (foreign investors). Kata mana piny Kenya mangima bende nyocha ooro yawuoyi moko piny Amerka mondo odhi okwa omuom mar gero piny.
Onge ng'ano moro chuth. Geche ma ringo e pinywa yande odok chien e higa mane mwache ochako kwalo mwandu mag jopiny: Kain wuod Luo adier bende ing'eyo Lolwe Bus, Nyataya, Atieli, Oywa Baby, Agenya Ratego, Borderline, Ogwe, Spider, Lakeside, Nyang'inja Bus kmm...! mago gin mag joluo duto tee! gima omiyo ne ok gidhi nyime en mana ich lach mar mwache ma yande ochako kwalo mwandu mar piny Kenya endalo mosekadho.
Anto an gi geno ni piny Luo to wagero! Jaluo Malo!
Ka in gi mari moro ma di wandik ka to orni
Akelo,Nyar
Kager
jaluo@jaluo.com
Daher winjo dwondi in bende, iwinjo?
Kata inyalo oro twak kod weche manyien ne: Mig. Ajos wuod Atiga
WuonAbila@jaluo.com
: Riwruok mar JOLUO e Piny Ngima, orwaku uduto mondo ubed e kanyakla mar burani. Ornwa nyingi gi nondi kaka obedo. Riwruok e teko joka Nyanam.