JEXJALUO ****
Amoso nyikwa Ajwang' duto gi mos nag chako higa okweuru.
Ageno ni umor, kendo uyil.
Anto amor to kata kamano adwoko barup nyawadwa Mourice Oduor manyocha ondiko ka en Toronto e piny Kanada. Wuodwani ywago Ajim (Orengo) wuod nyamayanga matho athoya. Anto ka aneno kamano to ochalona gi dhako maywago nyieke; kogoyo sigweya e laru to iwuorye kaka dhano nyocha ogeno nyieke. We okirore oko e luhar..!
Orengo en wuoyi ndi kendo nene wagene gi chunywa, to kata kamano Muma bende leronwa ni "Yath maber ingeyo mana gi olemo monyago".
Yadhwani ento onyagonwaye an'go kaka jogo ombulu ma ugenya? Wuodwani ka loso ka en Kanada to ketne ka gima Jaduong Ondiek en pien diel moti. Ajim en kamaloka mariek omiyo nene oneno yamb Lihudu kabiro to nene ok odwar "Apuoyo motang ema ru". Waywak ahinya e rally manene Uhuru Park ni mondo olos to ka ochung to owondowa ka nyithindo ni en to en gi NARC kendo gima ochode\ne e mare, kinyne to oduogo othir ni odwaro bedo ker!
Jougenya to rango mos kendo ongeyo maber ni kata guok monindo oheo sibuor motho..! ok wachid pi wang aluru.
Otieno Komoga ( Janam).
Ka in gi mari moro ma di wandik ka to orni
Akelo,Nyar Kager
jaluo@jaluo.com
Daher winjo
dwondi in bende, iwinjo?
Kata inyalo oro twak kod weche manyien ne: Mig. Ajos wuod Atiga
WuonAbila@jaluo.com
: Riwruok mar JOLUO e Piny Ngima, orwaku uduto mondo ubed e kanyakla mar burani. Ornwa nyingi gi nondi kaka obedo. Riwruok e teko joka Nyanam.