JEXJALUO ****
Ne Jatelo mar Jaluo.com,
Aseluwo kod kinda weche mawuok edho Jokanyanam owetena kod nyiminena e siasa mawangodoni. An bende ang'eyo kaka otek, lakini adwaro mana lokruok e telo mawasebedogodo kuom higni 39 mosekalo.
Jowetena, wasewuoyo kendo koro gimaodong' en mana goyo kura mondo wakel lokruok ma ji mang'eny osebedo kageno.
Omiyo akwayo jowa manene okawo kura ni kik wuondi kod pesa mi ius kuchi. Kain kod adieri ni pesano dhi konyi kuom hogni abich mabiro to tem ius kura mari. Bende kata kamano, aparo ni malit mar Jaluo achiel en Malit mar Joluo duto yaani wan jo dala achiel. Omiyo, kik ibed kod ich lit ni ingi'iyo mana iyi kende to mar nyawadu ok ing'i.
Mogik, wasebedo kawawacho mang'eny kendo kawamiyo jotendwagi rieko mopogore opogore to moko lwar eit modinore. Omiyo, aneno ni ber ka website mar Jaluo.com omiyowa e-mail address mar jatelo kajatelo mondo walos kodgi achiel kachiel.
Maeni biro konyo jowa manyalo duaro kony to jotelo ni e okang' mar konyo lakini gionge kaka ginyalo wuoyo kodgi. Gikone, maeni biro sudowa machiegni gi jotendwa. Jothurwa, koso uneno nang'o ewachni? Dwokauru.
Ean Ouma Mboya Jamawego - Karachuonyo.
Inyalo wuoyo Koda e e-mail kaindiko ne mboyaj33@hotmail.com
Ka in gi mari moro ma di wandik ka to orni
Akelo,Nyar Kager
jaluo@jaluo.com
Daher winjo dwondi
in bende, iwinjo?
Kata inyalo oro twak kod weche manyien ne: Mig. Ajos wuod Atiga
WuonAbila@jaluo.com
: Riwruok mar JOLUO e Piny Ngima, orwaku uduto mondo ubed e kanyakla mar burani. Ornwa nyingi gi nondi kaka obedo. Riwruok e teko joka Nyanam.