JEXJALUO ****
LUO NYANZA REFERENDUM!
Luo Nyanza nyaka ket mana referendum mondo oganda ma moko one kaka waol gi
loch jok'Owiny. Amedo nyiso Mig. Onyango Oluoch mar Italia ni dwoko mare
ok nyal monowa keto referendum e Luo Nyanza nimar tong' (boundary) mag gwenge
to jorachere emane oketo, joluo koriwore e gwenge adek kaka; Luo Nyanza,
Luo Transmara gi Luo modak Uganda to waromo loso pinywa wawegi, ok en tich
ma yot to mano e kaka onego time.
Anyalo miyi ranyisi mar piny mokiewo gi kuma idakieno; Piny Switzerland ok
oduong ruok gin ji million auchiel kende to giloso piny momewo kendo ma humbe
lach sidang'. Kane ochake higa mar 1291 ne en gi oganda ma nyalo romo mia
auchiel kende e boma miluongo ni SCHWYZ bang' kinda to bombe ma moko mane
okiewo kode nochako timo referendum kendo oriwore kode. pinyni iwache dhok
mopogore opogore to gin gi winjruok achiel. Omiyo Mig. Oluoch amedo nyisi
ni pachino to ok nyal mono joluo keto referendum mondo omi wayud pach raia.
Piny mar Switzerland duong'ne en 41,290sq. km. odwa rom managi Nyanza to
en piny mochung' kar kende. Ang'o ma nyalo mono joluo bedo kendgi ka riwruok
gi oganda ma moko otamore kamano!
Riwruok mar European Union to kik wapim gi mar Afrika nimar kata sani pinje
Afrika ochung mana kendgi kata East Afrika community miwachono en mana kar
romo mar pinje adek to onge gima ginyalo timo kaka anyuola achiel. Gino dwaro
chenro malong'o. Nono to joluo pod biro mana chandore kaka wasebedo ka wachandore.
E kindwa wawegi bende nyaka koro walok pachwa ni Luwo jomoko ka rombe bende
koro onge gima konyowa godo.
Odiero daher mar nyisi ni gir ariwa jakel dhawo; ne mana kaka wuod Italia
Silvio Berlusconi notomo wuodgi Hitler Otange ayany, omiyo kik ipar ni ka
wariwore gi oganda ma moko to yot mondo Amerka owinj wachwa, Ooyo! Amerka
ema sani nigi chandruok ma konyo joratenge ok gidwar, wuod Bungu (Bush) ema
namba mogoyo okia nyuwuoyo; med somo buk mondiki gi Mig.Michael Moore ( iluonge
ni; "STUPID WHITEMEN").
Mago kende Nyikwa Ramogi un bende medieuru matin, anto ariwo wuod Karateng'
Odundo Sidigu lwedo ni referendum ema biro konyowa.
Medwa paro nondwa en: WuonAbila@jaluo.com
***************************************
NILOTICA RESEARCH CENTRE
LUO DIASPORA COMMMITTEE WORLDWIDE
P.O. BOX 217
CH-4144 DORNACH 2
Attn: Mig. Ajos wuod Atiga
E-mail; WuonAbila@jaluo.com
info@jowopaonline.ch
http://www.jaluo.com
http://www.jowopaonline.ch
Ka in gi mari moro ma di wandik ka to orni
Akelo,Nyar
Kager
jaluo@jaluo.com
Daher winjo dwondi in bende,
iwinjo?
Kata inyalo oro twak kod weche manyien ne: Mig. Ajos wuod Atiga
WuonAbila@jaluo.com
: Riwruok mar JOLUO e Piny Ngima, orwaku uduto mondo ubed e kanyakla mar burani. Ornwa nyingi gi nondi kaka obedo. Riwruok e teko joka Nyanam.