JEXJALUO ****
GIMA OMIYO JOLUO INAGO!
Penjo; Mig. Nelson Nyoturu
1.ERE GIMA OMIYO NE JALUO INAGO LEKE NE AUCHIEL MAPINY?
2.NG'ATO NE INAGO KA OGIK HIGA ADI?
AJOS WUOD ATIGA UN GINYAR KAGER MIAURU PACHU KUOM WACHNO.
EAN.
NYAKWAR OSALA
JAKAURA GITIENDE
Dwoko; Wuon Abila:
(1) Joluo ne inago kaka ranyisi ni wuoyi kata nyako koro osebedo ng'at ma
ng'ongo, ok en nyathi kendo. Mar ariyo ne inagogi mondo obed mayot ka poni
tuo moro ne nyalo mako ng'ato ma kaka kage yath onge to iyudo kama iolo ne
godo yath e dhoge. Kaka kabinde moko ne tero ji nyangu joluo to ne golo leke
auchiel ma piny. Mondo ne ng'ato bed jatelo mar oganda nyaka nobed ni onage
maka ok kamano to iluongi mana ni JAKOWINY tiende ni jamwa.
(2) Ne inago ng'ato ka ja higa adi? mano en penj ma duoko tek nimar chon
higa ne ok kwan kaka sani kata kamano ka wuoyi kata nyako ochopo kar higa
apar gabich nyaka apar gaboro to ne inyalo nage, kaluwore gi chenro mar anyuolane.
Gima duong en ni kane leke ng'ato aseti nyaka nyaluoke maiye to koro ne inyalo
nage nimar ka pod otin to ne lekege nyalo chako ti kendo bang' nak. Wuoyi
kata nyako ma ose nagi to koro nyalo kendo kata inyalo kendi, nak ne nyiso
chir kendo mako chike Luo. Ng'ano mane ok onagi niluongo ni NGORO tiende
ni jaluoro.
Medwa pachi in bende; imel: WuonAbila@jaluo.com
Ka in gi mari moro ma di wandik ka to orni
Akelo,Nyar
Kager
jaluo@jaluo.com
Daher winjo dwondi in bende,
iwinjo?
Kata inyalo oro twak kod weche manyien ne: Mig. Ajos wuod Atiga
WuonAbila@jaluo.com
: Riwruok mar JOLUO e Piny Ngima, orwaku uduto mondo ubed e kanyakla mar burani. Ornwa nyingi gi nondi kaka obedo. Riwruok e teko joka Nyanam.