09/01/2003
WECHE MOKADHO
JEXJALUO ****
;
Jandiko: Mig. Ajos wuod Atiga Ny'Ochola
Nyako ngili tiende ni ma pok onyuom kendo pok oketh ringer, pok onindo gi dichwo, Iyike e tok chiel oko mar dala. Ka osekuny bur to imanyo dhako moro moti kendo ketho ringre gi ondoga, kiporo chwore nimar ne pok oyudo dichwo. Ok nyal yike gi dhoch mar dende mano nyalo ketho nyiri ma moko modong' bang'e.
Eka nyiri wero ndaria, ringre iketho saa ang'ich welo. Ka mano ok otim to nyiri moko modong' bende ok nyal wer ndachgi kaka chik Luo dwaro. Nimar ka ok otim to kitundu nyalo chieno nyiminege modong' ni en otho ngili to nyiri modong' to oyudo chwo. Miyo maloko dhochni nyaka mi chiaye (dhiang') modhi losorego.
En wach mogajore to kata kamano inyalo neon ka mier moko weche timore ma gala gala to iwacho ni jochiende odonje, ooyo, samoro en mana wuondruok ni mag piny Ruoth oloyo. Kik wawuodre ni wapondo e din to kwechewa to waweyo! Mar pinyin itieko mana gi manyasi gi loko dhoch! Mag polo bende tiekuru mana e kanisa kuro.
Kanisa jaluo gi tiende en mako chike kwere kendo rito kweche ma nyalo ketho dala.
Kendo kuom wachno, ka dhako onyuom to otho kapok orise to nyaka neg nyuok ma nyigi biro chamo. Ka nyigi osebiro to ikawo kitundu iketo e ot kendo ikawo nalo iketo e dier ot, kendo gikawo ring chogo gi kuon giketo e lwet kitundu, ikawe kendo ikete gi piere ka gima obet piny kendo giporo kochiemo.
Gi kanyo dhako moro maduong' ng'wenyo kuon kendo chamo eka gigolo gigo e lwet kitundu. Ikawo chiaye achiel mitero dlagi nyako (kitundu). Ka mago oserumo eka iyike. Nyasi mar riso itimo ka iporogo mar ng'at ma ngima mak mana nikech mirima omako ji ok otimre ma ber ahinya.
Riso ema ochung' kar Arus mar jo-Kristo, mano ema nyaka tim korka olok dhoch mar dhako mosenyuom. Ka ok kamano to dipo ka chieng' moro ochieno mon moko modong' e dalano. Ka ok oris dhako ma duong' e pacho to moluwo bang'e bende ok risi.
Wach mogik: Mor gi yilo omaka nikech nyikwa Ramogi yudo twak mowinjore kuom weche Kwerewa. Kata kamano an gi kuyo nikech jo-mibadhi moko lawore kodwa kendo gidwaro ketho Jaluo dot Kom, Nyikwa Ramogi sani joluo nigi wasigu e piny ngima. Rawere moko obukore oronwa kute mag Kompiuta (VIRUS) ma odiechieng' ka odiechieng' ayudo kute 40-50 (virus) koro kaka atim otama. Konywauru mondo watiek olethegi.
Kwe kende joka Nyanam!
Wuon Abila
Ka in gi mari moro ma di wandik ka to
orni
Akelo nyar Kager
jaluo@jaluo.com
Daher winjo dwondi in bende,
iwinjo?
Inyalo oro twak kod weche manyien ne: Mig. Ajos wuod Atiga
WuonAbila@jaluo.com
GALAMORO : Riwruok mar JOLUO e Piny Ngima, orwaku uduto mondo ubed e kanyakla mar burani. Ornwa nyingi gi nondi kaka obedo. Riwruok e teko joka Nyanam.