JEXJALUO ****
Mos mokowni ok romi masira nyoro otimore e Mugirango ma milambo kane jaduong' dala okwayo kanyna moro mondo okonye tingo ogunde mag kitungu kotero e chiro mar Kosir (gi dho-abagusii; RIOSIRI), kadiemo wang' jaduong'no noleng'ore matin to oweyo ka Kanyna mbuso lum e laro machiegni gi dhoot, kapok gweno komuonyo bando to nyathi owuok e liare, mane leni oneno nyathi to osudo machiegni kode gikanyono nolokore gi nyathino ma ochako mana tucho iye gi lake, kokidhe malich, ka nyambich wuore piny to ochako lodho gi iye duto, kuom thuolo ma nok to osenego nyathino.
Wuon Pacho kochopo to oyudo ka Kanyna sedo gi nyathi e dhoge, mano gombo mane pok otimore, kendo nokawo ji gi wuoro, gikanynono byawuoyi nokwanyo mana tonge kendo oyake ayaka ma piyo piyo mochudhe. Mano e kaka Mig. Liapas Ngara Omae gi Mik. Hellen Omae nowito mihia ma ja higa achiel, Boi Omae. Puonj ne jogo mopidho jamni e pacho kik utem weyo gi aweya mak utweyogi, nimar gin le maok wang'eyo gima gi paro kata gidwaro! Kanyna en ondiegi modak e pacho omiyo tang'uru ahinya kik gitiek nyithindwa.
Ajos wuod Atiga,
Wuon Abila, Jaluo dot Kom
Ka in gi mari moro ma di wandik ka to orni
Akelo,Nyar Kager
jaluo@jaluo.com
Daher winjo
dwondi in bende, iwinjo?
Kata inyalo oro twak kod weche manyien ne: Mig. Ajos wuod Atiga
WuonAbila@jaluo.com
: Riwruok mar JOLUO e Piny Ngima, orwaku uduto mondo ubed e kanyakla mar burani. Ornwa nyingi gi nondi kaka obedo. Riwruok e teko joka Nyanam.