JEXJALUO ****
Amor siwaya kuom dongruok ma jo-Kenya onyiso piny mangima. Wuod Odongo kod joyeko molwore nyocha ni kod geno mathoth ni pod gibiro bedo ka gituomo dech Kenya to jopiny wang'ni ofwolo mawinjore nyaka Amerka koni. Gimoro ka gimoro ni gi gikone. Tho! Moi owuogi owene Ker Kibaki. Jothurwa mang'eny osebedo kod ng'ur ni Aguambo ne terogi e mach to wadog uru ane chien matin. Kadine Amolo ok Odonjore gi Jalang'oni to bende dine Jokenya obedo kor mor makoro wan godo sani ni? Ooyo. Aparo ni wamor kuom pacheno. En adire ni ji kaka Kamotho, Kalonzo, Saitoti, Ntimama kod mamoko ma ok akwano ne omoko kod Moi mati mata. To nikech Tingatinga ne odhingo iro, omiyo jogi owuok oko! Mos mos ageno ni Amolo biro bedo ekomno. Sani to koro waung mana Mwai lwedo.
Sirkal manyienni ok en mar yeko to mar dongruok. Wageno ni piny Kenya biro dhi maber elwet jogo ma koro okawo loch. Gima mora ahinya ni gin ji ma be osomo. Ok mag Moi ma ikawo tak thing' iketo ekom! Moi to okwodo wiwa ndi, odhi oywe. Ka ongima to aparo ni ok obi bedo kod ngima maber nikech nitiere weche ma nyaka onyiswa lergi mabeer. Ehe, onge gimoro ni iweye aweya kamano. Nyaka onyiswa. Abiro wacho weche ma pod jopiny dwaro ng'eyo e barupa mar juma manyien.
Erokamano jo ramogi. Wamed uru twak kae.
An Wuon Obonyo ja-kanga skul, Kamagambo.
Ka in gi mari moro ma di wandik ka to orni
Akelo,Nyar Kager
jaluo@jaluo.com
Daher winjo dwondi
in bende, iwinjo?
Kata inyalo oro twak kod weche manyien ne: Mig. Ajos wuod Atiga
WuonAbila@jaluo.com
: Riwruok mar JOLUO e Piny Ngima, orwaku uduto mondo ubed e kanyakla mar burani. Ornwa nyingi gi nondi kaka obedo. Riwruok e teko joka Nyanam.