Kwabwayi , Wuon Abila

Kwabwayi

Mig. Joseph Ramogi Alila penjo nito Kwabwayi bende gin Joluo?
Wuon Abila,
Jo Kwabwayi kama Orwa Ojode, Otieno Ogingo; Peter Ogawo to gi Joseph Alila wuon Ramogi (ja ndiko ni) to ne gi a kanye? To Bwayi ni ne en Ja mwa koso?
Joseph Ramogi Alila

Dwoko: BWAYI Ne en Mganda, nodoko jakwadh Podho, kendo noluwo bang' Podho nyaka ochopo Kenya. Omiyo koro odoko ja-dalawa. Kata kamano ok onyal timo sawo/dolo moro amora maduong' ei oganda joka-Ramogi ka. Sani koro ogero gweng' miluongoni Kwabwayi oriwore gi Nyidoto dalagi jaduong' Bondo Odongo wuod Agola ma bende ose puonjo joluo sigendni mathoth ahinya.

Sani to joka-Bwayi odak kind Aora Chuodho gi Ndhiwa, gi goyo tong' gi Karungu kichomo yo madhi Bondo Kosiemo. Kendo gigoyo tong' gi Joka-Nyikela modak but Ndhiwa e ndara mochomo Kanyamkago, Sikul Rapogi. Kwabwayi onyuolo yawuoyi ma ratipo ahinya kaka; Okomo Wanda, Ogindo (chief), Josiah Owambo Ramogi nyakwar Akuku Ogwela “Danger” kod joma moko.

An Mogenou
Mig. Ajos wuod Atiga Ny'Ochola
Wuon Abila, Jaluo dot Kom