Penjo kuom chamo gweno thur gi dhako madwong

Penjo.1
Bende anyalo ngeyo ni ukawo kinde marom nade mondo udwok penjo mar joma nigi chandrwok

Dwoko.1
Mig. Hashim Mayweck ayudo kwayoni kendo atemo kaka anyalo ka ber mondo wawinjre kuom weche ma thagigo, mokwongo ipenjo nito wakawo thuolo marom nade mondo wadwok joma nigi chandruok, dwoko en ni wanyalo kawo thuolo mowinjore nikech Jaluo dot Kom ok en kambi mondiko jodwok weche, mak mana en kar romo ma ji nyalo konyore yudo riekni manyien gi chike joluo kaka obedo. Gima tek en ni jomoko kaka in onge gi chuny mayom mar rito mondo oyud dwoko, omiyo kuom mano konyi tek! Wan bende wan mana gi tijewa ma watimo ok wayud masara e tijni omiyo ka ioro penjo to ok anyal nyisi ni kiny kata oruye machielo wanyalo dwoki.

Penjo.2
Dhako minywomo minywolo go nyithindo to ok ichiemo thurgi kaponi oweyi modhi otedo kamoro to ngamo tedoneno otho mi oiko kapok onyuome mi ochamo gweno bende inyalo dhi thurgi ma ichiem?

Dwoko.2
Ka dhako oweyi kapok ichamo gweno thurgi kendo otedo ne ng'at machielo, to ng'ano otho kapok onyuome tiendeni mano ne ok chuore. In bende ok in chwore nikech pok idhi dalagi michamo gweno. Pod un mana osiepe kata obedo ni unyuolo nyithindo kamano. Pod in gi thuolo mar dhi thurgi ka uchako udogoru kendo udak kanyakla. Kapok idhi korgi chiegi to ere kaka inyalo luongeni chiegi?

An mogeni,
Wuon Abila,
Mig. Ajos wuod Atiga Ny'Ochola,
Jaluo dot Kom