• 
• BARUPE MOKADHO

Jo Nyakach?

An ja Kano.
Angeyo ni Okuto Bala kod Onyango Midika gin jo Kano ma Kabar. Gidduto gisebedo jo Lejico e kom jo Kano. Adieri, Kabar gi nene gin jo Asembo to
kanene gibiro kano, to ne omi gi lowo ma sani gidakie. Omiyo ok gin Nyakach ngang. Gin Asembo.
An Odhiambo Okuom,
Ja Kochogo

OKUTO BALA KOD MIDIKA

Eduond abila mar jaluo.com kod jokombe duto makelonu weche e mbuyini,
daher mar timo mos kuom wach Okuto Bala kod Midika, ka luwore gi dwar ma
wasetimo yudore ni gin jo-Kano, omiyo kik paro moro marach bedie.

Aduokonu erokamano jogo duto ma osebedo ka golo pachgi kuom weche ma
wandiko nimar, mano nyiso ni un kodwa kanyakla. Joka nyanam en mana ka
lweny, kik udog chien.

Mos mogundho, Were Nyakalaga mondo oritu ndalo duto.

Ajos wuod Atiga Ny'Ochola

Osiepe ga,
Amor ahinya gi gik moko duto ma undiko.Gi kelo puonj malach kendo matut. To an kod kwayo matin.
Wa joma pod tindo wan bende wadwaro mondo u tem puonjowa kaka wanyalo
dongore " economically". Wa joluo nenore ni piny dhi marach kodwa. En ang'o
ma jowa paro ni rach ?  Wa nyalo chako " column" moro mar " economic analysis and advice " mondo wapuonj re godo. Nono to kech biro mana negowa nikech sani kata mana rech ose rumo ni kech nam mar ataro mar winam koro ok jolupo nyal lupoe.
Magi kende,
An,
Samson Ogutha.
________________________________________________________________________
Achana mar weche

Nyar Kager,

Adonjo e mbui kendo kapod an mana kod ilo. Asomoe oboke ma ondik kod
owadwa Gideon Ogude matiyo e dala mar nonro mag tuoche e pinje mag
sahara ma iluongo ni CDC ei Kisumo. Aneno ka ochako twakne kod dho dana
ma olap dhoga ojurore nono - to mano doko wach maber! Kapod adhiyo nyime
kod somo oboke mar owadwa Ogude, anenoe wach moro ma ok omora ngang'.
Nyakwar Omogi ni lwete oleng'ore ma kar wacho mondo Nyar Kager omed
lando Dhowa ni e pinje maoko to ondiko ni oland 'Thowa' loka Ulaya kuno.
Aa yawa kik uland thowa, dipo ka umiyo owetewa modak oko luoro - Obong'o
pod kudhowa gi muche man kod teko pok oomo chunjewa!!

Kwayona ne Nyar Kager (kata owadwa/nyaminwa mochung' ne) en maeni -
Kawie uru dakika achiel ariyo moko mondo ulosie weche machalo kamagi
mondo kik wasom weche ma ok ni kare. Seche moko goyo oboke e kompiuta
nyalo miyo tie wach kata mana thor mar wach lal nono ma josomo kibaji
maki.

Nyakalaga Olagre kuomu Maber..

Otieno Kojwang' (Jakisumo)