Kama Jaluo yude Joluo wadgi

07-23-2000

JALUOdotKOM

BARUPE MOKADHO

BARUPE

JIP

Ase somo Luo.com kendo amor ahinya gi weche mantie kod ndiko mong'ith kendo mag puonj maber. Adwaro mana medo jiwo un duto mondo dhowa ni omed landore epiny te. En dhok mamit ndi mana kaka dhok ogendini moko moa Africa kaka Kiswahili, Lingala, Xhosa, Fulani kmm (kod moko modong').

Akwayo bende ni kanyalore, to undik e dholuo kende. Omiyo ng'at madwaro ng'eyo gima ondiki to mondo opuonjre dholuo mondi. Ma ekaka wasungu nochunowa mit tinde wawacho dho kisungu moloyo kata jasungu wuon.

To bende onego watim gik moko ariyo ka wadwaro ni mondo wamed dongruok mar joluo.

Mokwongo, onego wabed gi ndiko (alphabet) mar joluo mana kaka jarabu, kata misungu, kata ja-japan ni gi ndiko mare. Marariyo, onego wager ute ohala madongo mokwako piny-te (multinational). Joma ose bedo gi mwandu e pinywa kata oko onego riwre (amalgamate) mondo obed gi ohala magalamoro mamako piny te. Ma ekaka jo-amerika kata japan timo. Gigi biro miyo ji luor Jolwo kata jo-africa ahinya. Ka ogendini moko mag Africa oneno gimawatimo to ginbe gibiro kopo kendo jo Africa biro keto dongruok malo moloyo negruok kendgi. Museveni kod Kagame gi Kony, kod Foday gini biro neno kaka gise bet ka gifuwo nikech nek kende ema ging'eyo.

To mogik, onego chakie landruok mar jok mawacho dholuo (Lwo diaspora). Mae biro riwo, jo Luo man Tanzania (Tarime), Kenya, Uganda (Achol, Padhola, Lang'i, kmm), Sudan (Nuer, Shilluk, Dinka), to gi matin manie Congo, Tchad, Ethiopia, togi manodhi somo loka mosiko kuro. Gimawachoni ok tek. Ja-indi ne oa thurgi higni piero apar achiel mokadho to pod owacho mana dhoge ei Kenya nikech gin gi - ndiko margi, ohala mokwako piny (multinational), to kod achiel mar anyuola molandore e piny ngima kaka Aga Khan Congloremate.

Paruru weche man malogo ahinya. Ng'at madwaro loso koda ewachni nyalo ndiko na e

"Ja Kano" hawi@messagez.com

Hawi Odingo

UDWARO ANG'O MAWUOK KENYA?

Kuom Jandiko,

Kuom ndalo mobup, ase bedo ka asomo weche mag Jaluo.com kendo amor kod tich ma utiyo.

Nitiere Nyikwa Ramogi moko magombo mondo oyud gik ma opogore opogore ka oa Kenya. Daher mar ng'isou ni an kaka ja ohala mong'irore kendo ma timo ohala eboma ma Nairobi-Kenya, ayie mar dwaro kendo oro ni Nyikwa Ramogi gik ma gidwaro to ok ginyal yudo e pinje maoko e nengo ma oyueyo.

Ka diher ni mondo a yud ni gimoro amora ka oa e pinywa ka to oorna kwayoni:

Email mara en :antoney01@go.com

Wakwayo Joluo duto man kamoro amoro mondo osom oboke mar OTIT-MACH.

Subsciption mar OTIT-MACH en USD $50 kende kuom higa ma ngima.

To kaluwore kod gombo mar Nyikwa Ramogi mondo ong'e gima timre e Kenya, Wabiro chako chenro mar oro "extracts from OTIT-MACH" e jaluo.com.

Ero kamano uru Nyikwa Ramogi.
An Antoney Okoth

GOMBO NG'EYO

Ayogi Nyar-Kager kendo achoro ne jiduto pep mayudore e duond od 'otieng' ka.
Dagomb mana tuak kod Ajos wuod Atiga Ny'Ochola machuok nono. Wuora, puodha kamoro ka..... ei Uyoma, dhot mar Katweng'a, nitiere ji thoro bedo mathin miluongo ni Masaai. Gidak e akirikiki mar gweng'e ma iluongo ni Got Kachola kod Odeyo, ka irieyo dhowath moro ni K'Opiata.

Bende ding'eye kaka ne dhodni ochope kae? Nonro nyisa ni ne gichopo kar
higa mar 1941 kanyo....to nade, to ok ler.

Erokamano,
Ean Opiyo wuo Olola
Uyoma Katweng'a.

Apenjou!

Amosou,
Apenjou ni bende nitiye ngato ma donjo ga a od mbaka maru no? Asebedo ka
atemo ndalo mathoth to ok ayud ngato.

Mary Oyugi
________________________________________________________________________