• 
• BARUPE MOKADHO

ANG'O MATIMORE KISUMO?

Nyikwa Ramogi Ajuang', daher penjo ni sirikal mar boma ma Kisumo ng'ama tayo,
YOUTH-wing koso piny owacho mar boma ma Kisumo? Ere kaka nyithindo mosemer ng'ato oro mondo oketh bura mar yiero mar Meya to ogul mama mondiki kendo ichulo mondo okel kwe e piny toling' aling'a? Ma en ofujo maduong' mitimo
nadi! Ere kaka ng'ato nyalo chuno ji mondo oyier ng'ama ok ji dwar, to ka ji
otamore, to en mana agoya. Mano lila mane pok awinje kuom kinde mabor. Koro
ere demokrasi? Ere jatelo e piny joluo ka maji nyalo geno, kendo maji nyalo
siro?. Joluo koro mondo oyaw wang' gi ahinya. Wan kod jotelo moko e luo ka
maka pod nyakalaga ochwalo nigi ndalo, Joluo biro medo chandre moloyo kaka
ose chand gi e kinde mosekadho go e lwet jotendwa mokawore ni gin ema
ging'eyo telo, kendo gin kendgi ema ginyalo telo. NYAKA NYO WAYUD LOCH JOLUO OSE BEDO KAYUAK NI ITHAGOWA. ADIER TO EN NI ONGE NG'AMA THAGOWA. WASEBET KA WATHAGORE KENDWA E
LWET JOTELO MAJOKAFIRI MAOK OVALUE PARO MAG RAHIA KATA NG'ATA NG'ATA. KA JI OK DWAR SHAKEEL NINO, WE SHAKEEL.
WE CHUNO JI GI SHAKEEL. IKELO CHWERO REMO GI SIASA KUOM JI NONO WANG' JOLUO NOYEP RARANG'O? NWACHANDRE NYAKA KARANG'O? Ere kaka Nyasaye nyalo konyowa ka ok wadwa konyore kendwa? Jotendwa moko konyore kod telo mondo gichiem giyieng', to ji to chandore piny maru kaNyasaye. An gima pod ok donj na to ni ere kaka nyithindo mag youth-wing ng'ato oro ni mondo oketh bura mar sirkal, kendo ji ong'eyo maler ng'ama ooro gi to sirikal hie hie toling' aling'a? GIMORO RACH E PINY LUO. NG'ATO ONINDONWA MARACH.

Ajuoga.

Kowne Yawa

Ja dotKom
Aoroni oboke ma abawo kani, mondo iorne jowa madipo ni ohero winjo weche
matimore dalakoni eyore mag 'genetics, molecular and otherwise'. Ngama ni
gipenj mangeny to siemne ira.

Phelix A.O. Majiwa, Ph.D.
International Livestock Research Institute
Box 30709, Naivasha Road
Nairobi, Kenya
tel -  254-2-630743   fax - 254-2-631499
Via USA tel: 1- 650-833-6660  fax 1-650-833-6661
email: p.majiwa@cgiar.org
http://www.cgiar.org/ilri

Ayie kod Nyar Kager

Nyar Kager,
Obong'o Were mamedo ji ndalo mad medi ndalo moloyo mane ondikoni mondo imed nyiso nyikwa Ramogi mago manene ma opondo ne jomatindo ka wan gini gieki. Weche ma wayudo ei Jaluo gin mag puonj mathoth. Gimedo wa ng'eyo kaka nene wadak. Kwayo achiel ma aoro ne in en ni mondo utemie mondo thumbe moko mag joluo obedie ni wanyalo winjo ka ng'ato oelo jaluo dot kom (Music on line). Koso mano tek? Ang'eyo ni en tich maduong' mondo bed ni wayudou e kor yamo kamae to ang'eyo ni ka umedo kinda to mano nyalore.
Nyakalaga olagre kuomi kod jo luo dot kom duto tee.
An Malaki Ogalo Odida,
Kisian, Kisumu.  - E-mail: mogalo@kisian.mimcom.net

________________________________________________________________________

Wuo Olola, abiro miyi duoko mapiyo kaka nyalore. Kik iluor. E giko higani, Abich Ngeche e migawo mar Kar chakruok Luo biro bedo gi bura magalamoro ei Boma ma Kisumo mondo ochok weche moko kuom jodongo, omiyo penj moro amora ma in godo kik wiyi wil ornwa mapiyo kaka nyalore.

Mago kende Nyakwar Ramogi.

Wuon Abila
Ajos wuod Atiga Ny'Ochola

Wariti e od Mbaka

Nyamiwa, Mary,
Erokamano kuom penjo wach mar od mbakano. Odno dhoode oyaw malach otieno 
godiechieng'. Omiyo kidwa goyo mbaka to kik ilwor, chopa chopa wantie. Kapo 
ni ichopo ikwongonwa to chak mana goyo mbaka kendi wabiro tudre kodi. Wahero 
nyimege majombaka
kain kamano. Kik samwoyo maki. Kinda e sinani.

Ajuoga.

IN IJALUO MOLAL

Dwoko ni en mar Wuon Akumu. Rateng' to kendo ing'ama duong' idwanyori nadi 
omera? Mokwongo, Jaluo dot Kom en marwa mawakwothe kod dhowa, ere rach ne? Marariyo,  en kama joluo tudore kod joluo wetegi. An gadier ni ogendni mamoko be nikod margi magikwothe-mano kare. Maradek, we chando chunywa gi loko dholuo e kisungu. Kisungu ne ok onyuolwa go, nonyuolwa gi dholuo. Puonjri dholuo, 
Rateng'.

Ajuoga

NONRO DHOUT GEM

JADUONG OGELLO MAK'OKULLO,

MOKUONGO ADUOKO ERO KAMANO MATHOTH AHINYA KUOM YAWO NONRO JOLUO NYAKA MATUT MAJI MANGENY EKA SANI N'GEYO KUOM TUAK MARI. A PENJO NIMONDO IYAWNA  MANA MABER DHOUDI  MANIE EI GEM-OREMO NI KECH WACHORE NI JODAK BENDE THOTH GEM AHINYA . N'GENYGI JI WACHO NI GIN DHOUDI MACHAKORE GI-U. KAKA UWOGA, USIANDHA, UNAMARE, UWINO, URANY, USODHO, UJIMBE GI MAMOKO.
AYE KENDO IYUDO NI DHOUT GEM MAMOKO MADONGO NITIE KAKA KANYIKWAYA, KAGOLA, KATHOMO, KAGILO, KANYAKOTA KOJUODHI. TO JOGEM TO NODONJO NADI GEM KA KOA KANYE TO JODAK MANIE IYE KAGI TO NO SORE NADI ?
JADUONG NONNA NI GEM KA JI OA NADI NIKECH IYUDO  NI KENDRUOK EKIND DHOUDI BENDE NITIE LURE MANA GI KAKA UBET GI DHOOT MORO.

ADUOKO ERO KAMANO

AN
OMONDI-TAFI OGENGA