03/14/2006
WECHE MOKADHO
JEXJALUO ****
;
KISUMU
Jatend obila e boma ma kisumo migosi Tito Kilonzi,oluwo ni gisepedho menyo mar wuon ot kod fundi mar ot mane obuombre piny tich abich gotieno, eikisumo, kowachoni ibiro ter gi e od bura mondo odonjne gi kod mar chayo ratiro mar gedo e pachoka. Katamano, kuom hawi maber odni ne ok okelo inyruok ne oganda e seche mane opodhoe .Bende ojende apar kod abich nyocha osedhi kendo ibiro terogi e nyim doho ma kisumo kawuono.
KISUMU
Jotend doho ma kisumo Migosi Hadwig Ongudi,kod Mohammed Warsame osekwayo jotend doho wetegi e bomano mondo otem chiwo kum ne jomaundu twech mar oko nimar ut angech ma bomano kaka Kodiaga prison, sani koro opong' kendo onywandore ma okalo,ka bende giwacho katajomaundu be gin mana dhano.Nyeguwo e seche mane gitimo limbe e od angech ma kodiaga prison tich adek.
KISUMU
Jotend buch kanu ma nyanza mig. Ken Opande,Timothy Awich, kod Ochulo Agawa nyo okwayo jotend Kanu mondo wang'ni giwene mig. Raila Odinga thuolo mondo mi otel nigi e yiero mabiro. Nyobende gi kwayo Mig William Ruto, kod Uhuru Kenyata mondo gisir mig. Raila e ombulu ma higa elufu mia ariyo ko abirio(2007).
wuon Raila, jaramogi Oginga Odinga ne oweyo ne Kenyatta telo ka ne wasungu oketo loch e lwete higa 1962. Tom Mboya wuod Ndiege ne onyiso wuod Odinga ni hawi inwang'o dichiel, gikaw loch. KKaata kamano to Oginga ne okwedo ni ngang', Kenyatta en kaka Nyasache mar ariyo, miyo Kenyatta ema nyaka gigol e jela kuma wasungu ne otweye mondo gimiye telo. kochopo ombulu ma nyocha okadhono bende koro Raila otimo kaka wuon gi nimar ne owacho ni "Kibaki tosha", mit Kibaki okawo telo.
KISUMU
Doho ma kisumu nyochoro nyime buch ja od bura migosi Oloo Aringo ma ne odonjne dwe mar abich higa mar piero ochiko gi achiel(1996) gi bengi ma holo omwom. Bengi ne odonjo ni wuod Aringo ne oholo pesa ma dirom tara ariyo kod abich e bengi margi mar National Bank of Kenya. Kata kamano ka koro jo bengi peye to okelo kwinyo gi two dhok. Koro ibiro winj bucheni kendo e dwe mar abich tarik angwen.
KISUMU
Jodak e boma ma kisumo ma ongere kaka RESIDENT ASSOCIATION kod EASTATE ASSOCIATION,nyo fuono ni gibiro monjo buch kambi mar SEWAGE,WATER SERVICES, kaluwore kod chenro ma kambino oketo ne jokanyo.
An ja fwamb weche Eliud Audi.
Joluo.com
Ka in gi mari moro ma di wandik ka to
orni
Akelo nyar Kager, kata wuon Abila, kata
Awino Rayier
jaluo@jaluo.com wuonAbila@jaluo.com awinorayier@hotmail.com
Daher winjo dwondi in bende,
iwinjo?
Inyalo oro twak kod weche manyien ne: Mig. Ajos wuod Atiga
WuonAbila@jaluo.com
GALAMORO : Riwruok mar JOLUO e Piny Ngima, orwaku uduto mondo ubed e kanyakla mar burani. Ornwa nyingi gi nondi kaka obedo. Riwruok e teko joka Nyanam.