03/16/2006
WECHE MOKADHO
JEXJALUO ****
;
HOMA-BAY
Obila ma Homa-bay nyodiyo jonjore angwen e otieno
manyoro. Jonjore gi manye orado kod obila rando nyotemo wuok gi ngwech
e sama
obila nyomuocho sianda achiel kod musdola ma bende odiyo gi duto. Ma en
mana
ndalo achiel kende bang kanye ool ofwamb kich kata flying squad e
gwenge go ma South Nyanza. Ma en ripot mane osir kod jatend obila ma
Homa-bay Mig Mathew Mangera.
KISUMU
Obila ma kisumo nyoro onego jonjore moko abiriyo e otieno ma
nyoro. Jatend obila ma kisumo Mig Bakari Njambeni, nyoluwo ni jonjoregi
nyetemo
monjo kar loso matres ma e boma ma kisumo ma bende idendo ni Kisumu
Foam Matress. Jonjore
gi manye osetemo wuoyo kod ochuk dar mar kambino odiochieng ma nyoro
mondo omi
otudre kodgi e kwalo kambino nyobuog kod obila e seche manye gisedonjo
kendo
chako pango mwandu ei lori manye gimologo e otieno ma nyoro. Katakamo
moko
kuomgi nye oringo kendo olal nono. Obila sani koro timo nonnro maratipo
mar temo
diyo jogo manye oringo.
HOMA-BAY
Rawere ariyo ma moro jahiga apar kod abich to owadgi ja higni
apar gi angwen osewito ngimagi e odiochieng ma kawuono kaluwore
kod tuo
magalagala e gweng ma Homa-bay. Tuoni ma loko del maratong' pok ofweny
tiende. Katakamano laktache ma od thieth ma gwengno gi esechegi temo
timo
nonro. Min rowerego bende oseringo lep lep e kar od thieth ma Homa-bay .
Migawo mochung ne tiegruok e od bura ma bende idendoni Parliamentary Education Committee, odiochieng ma nyoro nyo timo limbe e boma ma Kisumo e kama nye girado gi jalo ma ochung ne tiegruok e boma noero mig. Abdulai Abdi. Komiti ni ma nye ni ewuoth e nyanza nyoluwo ni tiegruok ok osebedo e yo makare e nyanza kaluwore kod nok mag jopuonj madirom elufu apar kod ariyo. Kendo nye gikwayo piny owacho mondo omi ondik jopuonj moko e gwengego ma Nyanza. Komiti ni nyotingo mig Moffat Maitha,Wafuli Wakoli kod mik.Christine Mango.
KARACHUONYO
Jaod bura ma Karachuonyo Mig. lactar Paul Adhu Awiti, nyokwayo migawo mag loso apaya e gwenge ma Nyanza mondo omi olos darache mayando pi oywayo e wang apaya ma Homa-bay kod Kindu -bay. Darachegi mag aore Oluch kod Sare yande omukore kendo osekelo pek ne jowuoth ma tiyo kod yoregoeko kendo gimedo mana ridore kaka koth medo burore.
KISUMU
Riwruok mar jotend lamo e boma ma Kisumo ma bende idendini Nyanza Council of Church Leaders sani osekwayo piny owacho mondo okaw ondamo ni jogo ma ichich go ni jonjore mowuok e piny Armenia. Nyegiluwo ni Kenya en piny maohero kwe kendo ok oikore ne chwero remo kata matin. Bende nye gikwero piny owacho ni owere mos gi jaduong luo Mig Raila Odinga ka giwacho ni gin kod geno kuome ahinya ni en ema obiro kelo negi konyruok e kinde ma biro, kagimedo ni piny owacho sani koro obayo anyong.
HOMA-BAY
Jotend kanisa mar jokopere(Catholic) e gweng ma Homa-bay kawuono biro timo nganyo mar kwe ka gilamo ni chenro mag loso chike manyien. Kotelnegi kod Mik. Teresa Angwenyi ,giseulo ni ok giyie kata matin gi ratiro ma piny owacho tiyogodo e loso chike manyien ma bende otelie gi Mig. Bethwel Kiplagat. Kendo gimedoni gin gingeyo mana chike mane olos Bomas mane olos kod galamoro. Nganyo ni biro chakre saa ariyo okinyi ma kawuono.
KISUMO
Jotich mag reru ma kisumo nyoro otimo yiero mag jogo ma biro tayo tijegi e odiochieng ma nyoro. E sama nye giyieroe jakom, jagoro, jakeno kod jotelo mamoko, jalo ma bende nyoyier jagoro Mig.Samuel Atito, nyosingo ni koro gidwa tiyo matek mondo omi githul chenro mag reru e boma ma kisumo. Mabende nye otayo yieroni ne en Mig Stephen Mbayi moa e migawo mar yiero (Electoral Commission of Kenya).
KISUMO
Jalo ma ochung ne chenro mag gedo (Architectoral Association of Kenya) nyokwayo piny owacho mondo omi oket ratiro ma ipimo go jogoro (architects) e pachoka. E sama nyotimo limbe e kama ot moro yando obuombre piny e kar jot ma Tom Mboya e bomano ma Kisumo,nyoluwo ni osetimo winjruok kod jatend migawo mag gedo e pachoka kendo ibiro kaw ondamo ma owinjore mapiyo.
Jafwamb wechegi en Eliud Audi.
Joluo.com
Ka in gi mari moro ma di wandik ka to
orni
Akelo nyar Kager, kata wuon Abila, kata
Awino Rayier
jaluo@jaluo.com wuonAbila@jaluo.com awinorayier@hotmail.com
Daher winjo dwondi in bende,
iwinjo?
Inyalo oro twak kod weche manyien ne: Mig. Ajos wuod Atiga
WuonAbila@jaluo.com
GALAMORO : Riwruok mar JOLUO e Piny Ngima, orwaku uduto mondo ubed e kanyakla mar burani. Ornwa nyingi gi nondi kaka obedo. Riwruok e teko joka Nyanam.