03/24/2006
WECHE MOKADHO
JEXJALUO ****
;
MASENO
Rawere ma tugo mpich adhula kata FOOTBALL e gwenge mokiewo kod Maseno esechegi laro okombe mar duond bura mar Ford Kenya ma bende idendoni Ford Kenya Cup. Piem ni yande osechakre e dwe ma okalo kendo ekindeni osechopo e kidieny mar ariyo ma bende idendoni KWOTA FAINOL. Otin'go timbe auchiel kaka Maseno United, Blue Rangers, Asernal, Tsunami, Green Devils kod Luanda United. Tiim ma bende ong'irore ahinya to en Blue Rangers. Yande eka gikawo okombe mane idendo ni Chris Mulama Cup bang' loyo Luanda United e paw tuke ma Ebusakami secondary school e kinde ma ok osebudho. Kidieny marariyoni enochak menore chieng' ngeso saa ochiko odhiambo epaw tugo man e gweng' ma Kima ei Maseno. Joyaw pap to gin Maseno United ma nochak dunyore kod Blue Rangers.
MIGORI
Jaod bura ma Migori Mig Likowa sani oseteng'o lwet jotelo mag bura matayo dongruok e gweng' ma bende idendo ni Constituency development fund (CDF) Kamiti, kaluwore kod gwenyruok mag omenda ma dirom gana ariyo(2m). Kendo okwayo riwruok ma timo nonro ne mibathi miluongo ni Kenya Anti Corruption Commission (KACC) mondo omol e gweng'no mondo ochak timo nonnro e wachni.
NDHIWA
Jaod bura e dala ma Ndhiwa Mig Orwa ojode, bende oseguelo riwruok ma nono mibadhi (KACC) mondo obi ochop e gwenge mondo omanyie gwenyruok mar omenda madirom alufu mia aboro mayande oket tenge ne gedo mar sikul ma Kabodo Secondary School. Ka owacho ni chalo ka gima omendani opog kuom ji manok ma yande otelo ni gedo mar sikundno ero.
KURIA/TRANSMARA
Oganda ma gwenge ma Kuria wachore ni pod ni kod luoro maratipo bang' monj manyocha omonjgi kod jonjore mawuok e piny Tanzania. Yagi maparore ni ne owuok e gweng' mar Tarime, ne omayogi jamni modhuro. Katakamano jalup obila makono osesingo ni chenro duto mag rito kwe sani oseket e ondamo mamalo.
NYANDO
Japuonj moro nye oter e nyim doho kaluwore kod tim mamono mayande otimo ne japuonjre ne e sikul ma Radhiang Primary e gweng' ma Kobura. Japuonjni ne odonjne kod ketho chik mar mako kendo poro githuon nyathi ma pod numu (raping a minor) ma bende en japuonjrene. Japuonjni nye odagi wachni e nyim doho ma Kisomo mit okane e od angech nyaka tiek nono tie wachni e yoo makare.
KISUMU
Ruoth (chief) moro e boma ma Kisumo bende nyo oter e nyim doho kod ketho mar kawo rawera ma kidoro kendo butogo e ode kaka jaode. Mig Jacton Wangera nyodonjne kod jal mayande odak kod rawerano Mig Collins Omwanda. Ruodhni bende nyoro odagi ni wachni ok otimo ngang' e nyim doho, kendo koro okane e sel ka pod itimo nonro.
Ja fwamb wechegi en Eliud Audi.
Joluo.com
Ka in gi mari moro ma di wandik ka to
orni
Akelo nyar Kager, kata wuon Abila, kata
Awino Rayier
jaluo@jaluo.com wuonAbila@jaluo.com awinorayier@hotmail.com
Daher winjo dwondi in bende,
iwinjo?
Inyalo oro twak kod weche manyien ne: Mig. Ajos wuod Atiga
WuonAbila@jaluo.com
GALAMORO : Riwruok mar JOLUO e Piny Ngima, orwaku uduto mondo ubed e kanyakla mar burani. Ornwa nyingi gi nondi kaka obedo. Riwruok e teko joka Nyanam.