03/25/2006
WECHE MOKADHO
JEXJALUO ****
;
NYANZA
Jal ma ochung' ne arita mag nyithindo kata Children's Rights e gwenge ma Nyanza, Mig.Charles Odongo nyoro ochiwo siem ne jomoko ma osebedo ka thiro chenro mag arita nyithindo e Nyanza. Nyoro ong'ong'o ni nitiere jomoko ma ng'adoga buche mag nyithindo mondo oyal mana oko mar doho. Moloyo kar luwo ratiro makare mabiro kelo kum ne joma ketho ratiro kata (RIGHTS)ma nyithindo . Nyowuoyo kod jofwamb weche e boma ma kisumo.
KISUMU
Piny owacho osechiwo omuom madirom gana mia adek (300m) ne chenro mag jiwo pur mar pamba e gwenge ma Nyanza. Ma bende luwore kod chenro mag piny owacho mag chiero kembe mayande opodho mag loso lewni kaka KICOMI man e boma ma Kisumo kod RIVATEX mani e boma ma Eldoret. Bende nitie paroni yuto biro bedo maber ni jopur pamba kaluwore kod chenro mag uso pamba e chirni ma ni e bwo riwruok ma idendoni AGOA.
SUBA
Jotelo kod jopiny e gwenge ma Suba, orwako ahinya paro mar piny owacho mondo omi omed gweng' moro kata Konsichwensi ei Suba. Ma koro biro keto gwenge adek kaoriwe kod ariyo manitiere i kinde ma sani. Maen chenro mane piny owacho oketo mar medo gwenge piero ochiko ewi machon magin mia ariyo kod apar. Wachni nyowuok e twak manye olos kod riwruok matayo chenro mag luto ombulu e pachoka,(ECK) ma bende nyoyuoro twak ni gin Mig Otieno Kajwang' kod Zaddok Madiri Sio'ngo.
KURIA
Piny owacho twak kod jo Tanganyika mondo chun obedie mit oduok chiach jo Kuria mayande okwal kod jokuo mane owuok e pin TANGANYIKA. Kanye olero wachni, jalup obila e gwenge ma Nyanza . Mig Simion Kipkeu, nyoluwo ni jatend obila ma Nyanza ema otelo ne kweth matemo loso yore mag duok godo chiayogo e pinya Kenya mapiyo kaka nyalore.
KARATENG
Jopur e gwenge ma Karateng' oseluwo ni gin kod geno ni cham ma gibiro kayo e chiri higani nyalo timo maber moloyo higa manyorumo kaluwore kod koth ma sani goyo gwenge alunda- alunda. Kata kamano jopurggi nyochiwo ywagruok ni piny owacho mondo oyie okel jopuonj kata (AGRICULTURL EXTENSION OFFICERS) mondo omi giyud puonj makare e yore mag puro. Jopur ma nye owuoyo gin Mig Albert Omino, George Agutu kod Akelo Abuto.
MASENO
Riwruok maok mar piny owacho ma ongere kaka RED CROSS, nyoro otimo limbe mag solo manyonge e bwo chenro mar SAVE A LIFE e gwenge ma maseno. Solro ni nye en mar temo konyo jopiny man kod mideny e gwenge ma e pachoka.
SAKWA
Midhero nyobedoe okinyi ma nyoro esama jonjore moko manye otemo kwalo dala ajuoga Mig. Obura Odera e gweng' Sakwa. Ajuogani en ng'at ma ong'ere ni oritorega gi bilo makech. Mit jonjoregi nawi nyotweyo kendo miyogi rundore arunda e dala ajuoga nyaka piny oru. Ka koro ochopo okinyi, eka ajuoga ochiew nyamonge kaaye oluongo obila. Kendo kanyo orang gi maber, nyoro oyudgi kod musdhola achiel.
KARATENG
Mithiero nyocha omako or moro mane ochopo e yik mar jaduong'ne e gweng' mar Karateng'. Ka ne gisebudho to ochopo sa gago, owete jaode neotame ni ngang', ok onyal gago kata matin nikech ne obiro e liel gi lwete nono. Kaka or, ne onego ochop e liel kod kony machalo kaka im kod mogo. To kowuotho gi lwete hach, to kaoche otamore ni oik aika jaduong'ne, bang' ik to odhi ogo mana othonje kumoro ma ok dalano. Or nyoyudo kowuotho kod ji apar kod achiel. Mit ne giriyo duto kech kuom seche auchiel kendo giwuok ba'ng yik mak ogago kata matin.
WECHE TUKE
Tim mar opich adhula ma idendoni Telkom e boma ma Kisumo nyoro otimo yiero ni jotelo manyien. Ma bende nyoyier gin Mig Nick Akech (jakom), Abdul Munge (jalup jakom), John Akungu (jatawech mag bura kata director). Ma en ondamo mar ikruok ne piem ma on'gere kaka Supa Lig e kinde mabiro.
Ja fwamb wechegi en Eliud Audi.
Joluo.com
Ka in gi mari moro ma di wandik ka to
orni
Akelo nyar Kager, kata wuon Abila, kata
Awino Rayier
jaluo@jaluo.com wuonAbila@jaluo.com awinorayier@hotmail.com
Daher winjo dwondi in bende,
iwinjo?
Inyalo oro twak kod weche manyien ne: Mig. Ajos wuod Atiga
WuonAbila@jaluo.com
GALAMORO : Riwruok mar JOLUO e Piny Ngima, orwaku uduto mondo ubed e kanyakla mar burani. Ornwa nyingi gi nondi kaka obedo. Riwruok e teko joka Nyanam.