04/06/2006
WECHE MOKADHO
JEXJALUO ****
;
NYANZA
Riwruok ma ok en mar piny owacho ma idendo ni Osienala (Friends of Lake Victoria), nyoyawo chenro mar tiegruok ne jotend migepe ma ok mag piny owacho e mbalariany ma bende idendo ni "Western University".Tiegruok ni tiende en piedho jotend migepe go e ratiro makare mar tayo migepe ma ok mag piny owacho.Chenro ni nyoyaw kod jatend mbalariany no ero frofesa Wangila elo jatend Osienala Migosi Obiero Ng'anga. Chenro ma kama biro kawo jumbe adek kendo eno mi jotelo go eko oboke mowuok elo Western University.
SOTH NYANZA
Obila ma Nyanza elo jatendgi Migosi Bakari Jambeni, sani osechako puonj mar loso tudrok kod oganda ebwo chenro mar loso arita ma ong'ith e gwenge goeko ma Nyanza.Chenro gi nyo rik osechaki e gwenge ma Homa-Bay kendo dhi nyime kawuono e gwenge ma Ndiwa kod Rangwe ka bende nitie chenro mar keye e kinde ma biro e gwenge ma Nyanza duto.
NYANZA
Piny Amerika sani osechiwo million abich nukta auchiel e yor siro chenro mag gero raten e dho aore Nzoia kod Nyando ma kinde ka kinde e ndalo koth osebedo ka muoch kendo yuoro kuonde jot mag oganda modhuro e gwenge ma Nyanza. Manyongegi nyo puodh kod jatend migawo mar pi e piny Kenya Migosi Raphael Wanjala.
KISUMU
Nitiere paro mar loso chenro mag tuke ne joma ong'ol e boma ma Kisumo chakre tarik apar.Tuke gi biro riwo riwruok ma opogore opogore kod sikunde mag joma ong'ol ma wuok e piny Kenya. Kata kamano kama eno timo chenro gi ibiro lando ayanga kapok ochopo e juma manyien.
KISII.
Obila e gwenge ma Kisii gisani oketo arita mong'ith ne jopon chae ma ose thegore kod ng'anyo mayande osetim kod jopon chae mamoko kendo dhi nyime kod pono chae e gode ma Kisii. Nga'nyo ni yande otenore kod chudo mane jopon chae wacho ni ok ni kare.
NYAMIRA.
Migawo ma ochung' ne chiayo kata 'Ministry of Livestock',gi eseche gi oseloro chenro duto mag uso chiayo e gwenge ma Nyamira. Mae lure kod muoch mar tuo mar achany e gwenge go. Magi nye olu kod jal ma ochu'ng e bad migawo no e gwenge go eko Migosi Peterson Ondieki ma bende nyolero ni migawo no osechako chanjo chiayo kendo gi eseche gi osechanj chiayo mia achiel kod piro abich.
NYAMIRA
Nyadendi moro nyo owito ngimane bang lung'o kuong' kata 'spirits' lita ariyo otieno ma nyoro. Maendi lure kod ripot ma ose chiw kod jatend obila e gwenge go Migosi Timothy Kivuva bang' kanye ose ter ringre no kendo otimne nonro eod thieth mae gwenge go.
KISUMO.
Sani ose yangre ni kata obedo ni piny owacho yande ose yawo nono chenro mag chiwo opande to pod jota chenro go e gwenge moko ma Nyanza pod kawo manyonge. Nyoro osiem gwenge ma Maseno,Seme kod Kajulu kaka kuonde ma pod ikawo e manyonge ma dirom sili'ng piero abich. Kata kamano jal ma ochu'ng ne chenro gi e gwenge ma Nyanza Migosi Naashon Onyango osechiwo siem mager ne jogo makawo manyonge ni ratiro mar chik biro chopo kuom gi mapiyo kaok ginyal weyo timni mapiyo.
MASENO
Oseyudore ni tuo makoch mar ayaki medore ne rowere matindo kalure kod timbe mag terruok kod kuo'ng masani otuere kendo yudore e nengo mayot o kor gwenge. Ma ne owach e sikund praimar ma Marera. Kata kamano nye opuonjgi mondo githegre kod terruok kod madho kuong manyalo miyo giyud tuo mar ayaki e yo mayot. Nyegiyudo puonj kowuok kuom jopuonj rowere kata 'Peer Educators' ma wuok e riwruor maok mar piny owacho madendre ni 'Sule Assisting Development Project' ma ongirore e gwengego ma Karateng'.
Ja fwamb wechegi en Eliud Audi.
Joluo.com
Ka in gi mari moro ma di wandik ka to
orni
Akelo nyar Kager, kata wuon Abila, kata
Awino Rayier
jaluo@jaluo.com wuonAbila@jaluo.com awinorayier@hotmail.com
Daher winjo dwondi in bende,
iwinjo?
Inyalo oro twak kod weche manyien ne: Mig. Ajos wuod Atiga
WuonAbila@jaluo.com
GALAMORO : Riwruok mar JOLUO e Piny Ngima, orwaku uduto mondo ubed e kanyakla mar burani. Ornwa nyingi gi nondi kaka obedo. Riwruok e teko joka Nyanam.