04/07/2006
WECHE MOKADHO
JEXJALUO ****
;
Riwruok ma ok mar piny owacho madendore ni 'World Vission',osechiwo manyonge tara adek kod ochiko ma ibiro tiyogodo e chenro mag keyo pi kod thulo chenro mag tiegruok e gwenge ma Migori.Bende bath manyongegi ibiro sirogodo chenro mag puonj kod ritruok kuom tuo ma koch mar ayaki 'Aids'. Magi oseler kod jakanyo mar 'World Vission' migosi Michael Oruko.
KISUMU
Jal moro mayande omonj kod nyang' e dhowath ma Usenge sani dhi nyime kod yudo thieth e od thieth ma 'Nyanza District Hospital'. Migosi Jacob Omondi yande nyang' omako kendo orese mana kod jolupo wetene e juma ma osekadho. Kata kamano ripot ma osegol kod lakteche en ni odhi nyime kod yudo thieth kendo obiro bedo mangima e kinde machiegni.
NYANZA
Kweth mag jokombe mag bura ma bende obalo kod piny owacho 'Liberal Democratic Party' osechano romo mar loso hikruok ne ndiko mar jokanyo mar burano manochakre tarik piero ariyo kod auchiel dweni. Bende ndikruokni eno kwak gwenge duto ma otenore kod buranoero e luo nyanza mabende indendoni 'Lakeside L.d.p'.
KEROKA.
Rawera moro ma ja higa apar kod abich,nyoninde e bade e sama nye lori moro obayo yo kendo tuomogo e onyango ma nyoro.John Mogere nyoyudo owuok e sukul kendo wuotho kod jowetene dir apaya maduong' ma Keroka. Bende oganda manye ni kod mirima nyochokre mondo omi ota mach lorino to nyokwegi kod obila manye ochopo mapiyo e kar masirano.
KISUMO.
Jakom mar tim mar adhula ma bende ong'ere kaka 'Gor Mahia'.Migosi Erastus Okul, osekwedo ni ok gibi chopo e nyim doho mamalo kata 'Court of Appeal' mondo omi kikwed ondamo mayande osekawnegi kod komiti ma dendore ni 'Independent Displinary and Appeal' mar goyo gi fwayi gana piero adek kalure kod tulo mayande owuok e odiochieng tukgi kod 'Kawangware F.C. Kabende owachoni mano romre kod nono.Kata kamano nye ok olero kata ginichul manyongego kata ooyo.
KARATENG'
Masira mar ndara okinyi ma kawuono nyo nego jowuoth ariyo mane wuotho kadhiyo e boma ma Kisumo. Nyamburkono mane owuok e gwenge ma BiKsia ne obayo yo kendo ogore e ding ndara mana ondamo manok kowuok e od thieth ma 'Chulaimbo Rural Health Center'.Rngre joma no nindo noter e od keno e boma ma Kisumo ka bende joma nyoyudo hinyruok manok to nyothiedhi e od thieth no ma Chulaimbo.
KARATENG'
Sikund praimar ma ong'ere kaka 'Mbaka-Oromo'sani oseyudo kony kuom gedo mag udi mayande owal kod auka kowuok kuom jorochere moko maotenore kod migawo mar 'Rotary'. Jorochere gi bende osingo siro gedo mag ut somo ariyo manyien e sukundno maosebedo ka timo maber e yor somo kinde ka kinde.
MASENO
Japuonj mar mbalariany ma 'Maseno University' nyoro oring godo lep-lep bang' kanye omuonyo sum bang' gwandruok kod jaode e otieno ma nyoro. Kata kamano pod omedo yudo thieth e od thieth ma duong' ma 'Maseno Hospital'.
Jafwamb wechegi en Eliud Audi.
Joluo.com
Ka in gi mari moro ma di wandik ka to
orni
Akelo nyar Kager, kata wuon Abila, kata
Awino Rayier
jaluo@jaluo.com wuonAbila@jaluo.com awinorayier@hotmail.com
Daher winjo dwondi in bende,
iwinjo?
Inyalo oro twak kod weche manyien ne: Mig. Ajos wuod Atiga
WuonAbila@jaluo.com
GALAMORO : Riwruok mar JOLUO e Piny Ngima, orwaku uduto mondo ubed e kanyakla mar burani. Ornwa nyingi gi nondi kaka obedo. Riwruok e teko joka Nyanam.