04/09/2006
WECHE MOKADHO
JEXJALUO ****
;
MASENO
Jogo matingo' jowuoth koda ndigni mabende ong'ere kaka 'Boda boda' matiyo e wang' apaya mawuok e mbalariany ma ong'ere kaka 'Maseno University' nyaka e wang' apaya maduong' mawuok e boma ma Kisumo kendo dhi nyaka Busia, gi esechegi osetwang'o namba kata 'Uniforms'. Jakom mar jondigni gi migosi Ogola, oselero ni mae koro osemiyo jowuoth bedo kod geno malach kodgi ma bende opogore gi kinde machon ka pok ne gitwang'o nembnigi. Ka omedo ni bende gin kendgi ema koro mbalariany no osesidho gi kaka jogo ma oyienegi donjo kendo wuok kod jowuoth e mbalariany noero.
NYANZA
Nengo mar cham kaka oduma ,kal kaachiel kod bel medo mana idho malo kata obedo ni koth burore e gwenge ma odhura e luo Nyanza. Kata kamano nonro kuom oganda e gwenge ma Nyanza lero ni ma osebedoe nikech oro mayande okwako gwenge go e kinde ma osekadho. Kendo bende nitie paro ni nengo pod biro mana bedo malo nyaka chop keyo mag cham ma ni e puothe sani.
KARATENG'
Oganda majot e gweng' ma Nyabera oselero ni gin kod sin kalure kod ondamo ma piny owacho kaachiel kod migawo mar pi osechano mar kawo e kinde mabiro mar tayo chenro mag keyo pi. Pigni yande ochiw e yor solro kod riwruok moro ma ok mar piny owacho mawuok e piny' Netherlands'. Ma lure kod oboke mayande ochwo e kogno kendo oor ne oganda go e bwo riwruok mane opuodh kod oganda ma bende osebedo katayo chenro mag pi e gweng' no. Bende gisechiwo ywak makende e lo jakom mondo piny owacho oyie kik donjre kod chenrogi nimar koro biro chuno gi mondo omi gibed ka gisolo osuru to ok gin kod yuto mathoth.
KARATENG'
Ywaruok osewuok e gwenge ma ong'ere kaka 'Kisumu Rural' kalure kod chenro mar piny owacho mar sidho gweng' ma Holo mondo omi obed gweng' ma duong' ei gwenge go kata District Hedkuota. Ka bende oganda ma e gweng' ma libamba ma Karateng' siemo gweng' ma Maseno to oganda ma Seme siemo gweng' ma Kombewa mondo omi osidhi e bwo chenrono. Kata kamano gi esechegi osechan buch galamoro ma ibiro tem keloe winjruok e tie wachni.
NYAMIRA
Ruodhi kata 'Chief' e gwenge ma Nyamira osechik mondo omi oked kod nywopo mag kong pelele kata'chang'aa' mapiyo kaka nyalore.Magi nyolu kod jaduong' gwenge go kata'District Comissioner' migosi Samuel Nora e eseche manye oyudo otwak kod jolupge kod ruodhi e gwenge go ma Kisii.Bende nyomedo ni ruodhi ma osebedo ka kawo manyonge kuom jo nywo kuong' no ibiro kawo negi ondamo mager ma tamre gi nono.
BUSIA
Jaduong' gwenge ma Busia kata 'District Commissioner' migosi Musila Kilonzi osekwayo jopuonj ma e gwenge go mondo omi owe hero ahinya keto jopuonjre mondo onwo kilas to e kare mondo gitem kawo thuolo ma kende mar temo konyo nyithindo duto kalo penj kaomedo ni mae momiyo osemigi sith kaka jopuonj.
Joluo.com
Ka in gi mari moro ma di wandik ka to
orni
Akelo nyar Kager, kata wuon Abila, kata
Awino Rayier
jaluo@jaluo.com wuonAbila@jaluo.com awinorayier@hotmail.com
Daher winjo dwondi in bende,
iwinjo?
Inyalo oro twak kod weche manyien ne: Mig. Ajos wuod Atiga
WuonAbila@jaluo.com
GALAMORO : Riwruok mar JOLUO e Piny Ngima, orwaku uduto mondo ubed e kanyakla mar burani. Ornwa nyingi gi nondi kaka obedo. Riwruok e teko joka Nyanam.